Kamonyi: Abantu 11 bahitanywe n’impanuka ikomeye 18 barakomereka

4

Iyi mpanuka yabereye mu murenge wa Musambira mu karere ka Kamonyi aho ikamyo yagonganye na Kwasiteri yari itwaye abagenzi 27 abantu 11 bagahita bahasiga ubuzima abandi 18 bakaba bakomeretse.

Ku muhanda Kigali - Muhanga ugeze mu karere ka Kamonyi ahitwa mu murenge wa Musambira, akagari ka Karengera, umudugudu wa Nyarusange niho habereye impanuka, ikaba yabaye kuri uyu wa 19 Ukwakira 2016, ahagana saa moya n’igice z’umugoroba.

Asobanura iby’iyi mpanuka, umuvugizi wa Polisi ishami rishinzwe umutekano wo mu muhanda CIP Emmanuel Kabanda yagize ati: “Nibyo koko iyo mpanuka yabaye mu gihe cya saa moya n’igice […]aho Toyota Quaster ifite ibirango RAB 183U yari itwawe na Kanani Jean Baptiste irimo abantu 27 yagonganye n’ikamyo za zindi abantu bita rukururana ifite ibirango P957 ikaba yari itwawe n’uwitwa Prudence Katangu zimaze kungongana kugeza ubu abahasize ubuzima ni 11 abagera kuri 18 barakomereka”

CIP Kabanda yakomeje avuga haba abakomeretse ndetse n’abitabye Imana bose bakaba bajyanwe ku bitaro bya Kabgayi.

Yavuze kandi ko polisi ishami rishinzwe umutekano wo mu muhanda ikomeje iperereza ngo hamenyekane icyaba cyateye iyi mpanuka.

Mu butumwa yatanze kandi CIP Kabanda yavuze ko abantu bagomba kwirinda impanuka zo mu muhanda bubahiriza amategeko. Ati: “Burya iyo habayeho impanuka byanze bikunze haba hari amategeko atubahirijwe, ikindi ni uko abatwara ibinyabiziga baba bagomba kuba bafite ibinyabiziga byizewe”

Yisangize Inshuti.

Ibitekerezo 4

  1. birababa cyane Imana yakire abaguye muriyo mmpanuka ariko akagabanya muvuduko speed govener iyo coaster yarigafite?

Tanga Igitekerezo