Kwamamaza

UMUTEKANO

KAYONZA: Yishwe atewe icyuma mu mutwe n’uwo basangiraga inzoga

Yanditswe

kuya

na

Canisius Kagabo
KAYONZA: Yishwe atewe icyuma mu mutwe n’uwo basangiraga inzoga

Nkubiri Fidele w’imyaka 30 y’amavuko utuye mu karere ka Kayonza, Umurenge wa Rukara, arashakishwa n’inzego z’umutekano aho akurikiranyweho icyaha cyo kwica mugenzi we amuteye icyuma mu mutwe amusanze iwe mu ijoro rishyira kuri uyu wa kabiri tariki ya 14 Kamena 2016.

Nkubiri Fidele yivuganye Rukeratabaro Suleyimani w’imyaka 43 amuteye icyuma mu mutwe aho bivugwa ko bari basanzwe bafitanye amakimbirane ashingiye ku masambu ariko ubutabera bukaba bwari bwarabakijije bukemeza ko uyu Suleyimani ariwe watsinze.

Abaturanyi b’aba bagabo batangarije inzego z’umutekano ko nyuma y’uko ubutabera buciye urubanza bwemeza ko Suleyimani ari we utsinze, ngo Nkubiri yakomeje kugenda akubitira agatoki ku kandi avuga ko n’ubwo Suleyimani amutsinze ngo nta cyo bizamumarira ariko bo bakagira ngo ni umujinya usanzwe uzahita ushira.

Makuruki.rw ikimara kumenya aya makuru twavuganye n’umuvugizi wa polisi mu ntara y’Iburasirazuba IP Emmanuel Kayigi adutanagriza ko koko ayo makuru ari yo kandi ko aba bagabo bari bahoze banasangira inzoga bakaza gushyamirana hakitabazwa abari ku irondo bakabacyura hanyuma uyu mugabo akaza gutera mugenzi we mu rugo akamwica.

Yagize ati”Nibyo koko byabayeho, basangiraga hanyuma baza gushyamirana abanyerondo barabakiza bahita babacyura, babanje gucyura Nkubiri bamugeza iwe basubirayo gucyura mugenzi we ariko ikigaragara ni uko atahise aryama ahubwo yabateze igico (ambush) bamara kugeza mugenzi we mu rugo basubiye ku irondo agahita amusanga mu rugo iwe akamutera icyuma mu mutwe akamwica.”

IP Emmanuel Kayigi akomeza avuga ko gusabana ari byiza ariko ko umuntu akwiye kureba uwo basabana ndetse akareba n’umutekano wabo uko umeze akamenya neza niba nta makimbirane bafitanye kuko abenshi muri iyi minsi ngo basigaye bategera abo bafitanye amakimbirane ku nzoga kandi abandi bazi ko byarangiye.

Ysabye kandi abacuruzi kudakomeza guha inzoga umuntu babona ko yasinze ahubwo ko bazimwima babona ashaka guteza umutekano muke bagatabaza inzego z’umutekano.

Ubwo twandikaga iyi nkuru IP Emanuel Kayigi yadutanagrije ko uyu mugabo agishakishwa n’inzego z’umutekano ariko akaba ataratabwa muri yombi.

Bitetganyijwe ko uyu mugabo nahamwa n’icyaha azahanwa hifashishijwe ingingo y’140 y’igitabo cy’amategeko ahana ibyaha mu Rwanda, aho umuntu wishe undi yabigambiriye ahanishwa igifungo cya burundu.

Canisius KAGABO

MAKURUKI.RW

IBITEKEREZO

  • Amad forever Yanditse:

    Mana nyaga sani ibi nibiki yacitse ntara fatwa ngo ashyirwe imbere yubutabera ababuze umusore mwiza wigikundi babuze twifatanyije namwe mugahinda nishavu ryokubura umwana twakundaga birenze

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza