Abantu bambare amakabutura agera mu kibuno ngo ni iterambere? -Lt col Mutembe

2

Umuyobozi w’ingabo mu Karere ka Gasabo Lt Col Mutembe Frank yavuze ko urubyiruko rw’u Rwanda rukwiye kwitabwaho kuko ariyo nzira umwanzi w’u Rwanda ashobora gucamo, binyuze mu myitwarire mibi nk’ubusambanyi n’ubusinzi.

Ibi yabivuze mu gihe mu Rwanda hamaze iminsi havugwa abantu batangiye inyigisho z’ubutagondwa ariko bagafatwa na polisi batageze ku migambi yabo.

Mu muganda usoza ukwezi kwa munani mu cyumweru gishize, Lt Col Mutembe yavuze ko urubyiruko ari imwe mu nzira abanzi b’u Rwanda bacamo kugirango bahungabanye umutekano w’igihugu.

Avuga ko urubyiruko rukwiye kwitabwaho rukarindwa imico mibi irimo ubusinzi n’ubusambanyi kuko ngo umwana wagiye muri ibyo aba yatakaje indangagaciro zo gukunda igihugu.

Ati :”Uru rubyiruko rwacu niyo tageti y’umwanzi, kubasindisha, kubashyira mu rumogi no kubashyira mu ngengabitekerezo yabo. Iyo umuntu yabaye umusinzi yanyweye urumogi atakaza indangagaciro zo gukunda igihugu. Iyo umuntu yabaye umusambanyi ari umwana w’umukobwa ku myaka cumi n’ingahe yirirwa mu mabuwate (boite) atakaza za ndagagaciro zo gukunda igihugu, umuntu wese yagukoresha”

Mutembe avuga ko urubyiruko rwifata muri ubwo buryo rukwiye kwitabwaho amazi atararenga inkombe.

Ati "Murumva rero tutarinze urubyiruko rwacu rw’ejo hazaza twaba turi kwibeshya ngo tuge muri mama wararaye ngo ni iterambere, abantu bambare amakabutura agera mu kibuno abandi bajye mu bindi bintu twumve y’uko ngo ari iterambere."

Yisangize Inshuti.

Ibitekerezo 2

  1. Umuyobozi agize neza kutwibutsako dukwiriye kubamaso cyanecyane twe nkurubyiruko arko biranababaje kwambera ubusa kubakiri bato nabitwako bakuze nabonuko murakoze.

Tanga Igitekerezo