Imyambarire yo kwipfuka umubiri wose ku bayisilamukazi yaciwe burundu mu Rwanda

4

Umuyobozi w’idini ya Isilamu mu Rwanda, Sheikh Hitimana Salim yaciye burundu imyambarire yo kwipfuka umubiri wose izwi nka Niqab, yakoreshwaga n’abayisilamukazi nk’umugenzo w’idini ya Islam.

Iki cyemezo gifashwe nyuma y’iminsi mike uyu muyobozi abwiye Makuruki.rw ko iyi myambaro bazayica burundu mu Rwanda nibabona iteje ikibazo.

Kuri uyu wa 6 Nyakanga 2016 ku munsi wo gusoza igisibo gitagatifu ku bayisilamu, ni bwo Mufti Hitimana Salim yatangaje iki cyemezo.

Iyi myambarire yakunze kuvugwaho ko ishobora kuba indiri y’abakora iterabwoba kuko bavugaga ko uyambaye aba atagaragara uwo ari we bityo ngo bikaba byamworohera gukora ibikorwa bihungabanya umutekano bitewe n’uko nta muntu uba umubona.

Tariki ya 21 Kamena 2016 mu kiganiro cyihariye Mufti Hitimana yagiranye na Makuruki.rw, yari yavuze ko nibabona iyi myambarire iteje ikibazo inama y’abamenyi b’idini bazicara bagakora itegeko riyikuraho.

Yagize ati Ati:”Ibyo ng’ibyo bavuga bati hari ushobora kubyitwikira agakora ibikorwa bibi birashoboka, ……N’ibyo ng’ibyo uvuze bijyanye wenda n’imyambarire na byo biramutse bigaragaye ko bigera kuri icyo gipimo cyo kubikoresha mu rwego rw’ibikorwa bibi, biramutse bigaragaye abamenyi barahari bazicara bagakora itegeko bakaba bagikorera ubugorora ngingo bakavuga bati wenda iki kintu turabona kitaduha agaciro bakavuga bati hakorwe iki bagatanga umurongo ngenderwaho.”


Mufti w’u Rwanda Sheikh Hitimana Salim

Kuri uyu munsi rero Mufti Sheikh Hitimana yatangaje ko nta muyisilamukazi wemerewe kwambara iyi myambaro mu Rwanda. Avuga ko impamvu yabateye gufata iki cyemezo ari uko hashobora kugira ababyihisha inyuma bagakora ibikorwa bibi, bityo ngo ibi bikaba bikozwe mu rwego rwo guhashya ibikorwa by’iterabwoba ndetse n’ibindi bikorwa bigayitse byitirwaga iri dini byakorwaga n’ababaga bambaye iyi myenda.

Ati:”Iyo umuntu yipfutse mu maso agasigaza amaso gusa akenshi biragorana kumenya uwo ari we, bityo bigatuma bamwe bakoresha iyo myambaro mu bikorwa by’ubugizi bwa nabi.”

Si u Rwanda rufashe iki cyemezo gusa ku mugabane wa Afurika kuko hari n’ibindi bihugu byamaze guca iyi myambaro ku bayisilamukazi babo nka Cameroun, Congo Brazza Ville, Gabon, Chad, Nigeria na Guinea.

Yisangize Inshuti.

Ibitekerezo 4

  1. Hahhhh ndabona uyu Mufiti
    Agiye kuba naheza.Ariko ntutuzunve ko yabonetse ibyihebee Murwanda abaherutse gufata Bari babaye iyomyambaro
    Ahubwo ahakorerwa.imyitozo,yibyihebe komutavuga ngomubamagane,kandi biyemerera,uwbobugome.

  2. Ibi nibyo kabisa usanga umuntu atagaragara ku isura kuburyo abaye ari umugabo utamutandukanya numugore,nibyihebe byaziramo ntitubimenye kdi ninako byambara.Isiramu mu rwanda irasobanutse.

Tanga Igitekerezo