Kwamamaza

UMUTEKANO

Iby’umunyeshuri wishwe atwitswe bikomeje kuba amayobera

Yanditswe

kuya

na

Arsene Muvunyi
Iby’umunyeshuri wishwe atwitswe bikomeje kuba amayobera

Polisi y’u Rwanda ikorera mu ntara y’Amajyepfo iratangaza ko kugeza ubu nta muntu n’umwe urafatwa akekwaho urupfu rw’umunyeshuri wigaga mu karere ka Ruhango wishwe atwitse mu kwezi gushize.

Tariki 22 Gicurasi 2016 mu masaha y’umugoroba ni bwo umwana w’umunyeshuri witwaga Byusa Yassin, wigaga muri Groupe Scolaire Indagaburezi riherereye mu karere ka Ruhango, yishwe atwitswe babanje kumushyiraho super glue ku munwa.

Iyo nkuru y’urupfu rw’agashinyaguro yababaje abantu benshi ndetse n’ubuyobozi bw’Akarere ka Ruhango bwemeza ko ari ubwa mbere ibikorwa nk’ibi byari bibaye muri aka karere.

Ubwo ubu bwicanyi bwabaga, umuvugizi wa Polisi y’u Rwanda mu ntara y’Amajyepfo CIP Andre Hakizimana yemeje iby’ubu bwicanyi ariko ahamya ko nta muntu ukwekaho kuba yagize uruhare mu rupfu rw’uyu munyeshuri uramenyakana, ariko ashimangira ko batangiye gukora iperereza kugira ngo hamenyekane ababa bahitanye uwo munyeshuri.

Nyuma y’ukwezi Byusa Yassin yishwe, Makuruki.rw yaganiriye n’umuvugizi wa Polisi y’u Rwanda mu ntara y’Amajyepfo CIP Andre Hakizimana maze adutangariza ko kugeza n’ubu nta muntu urafatwa akekwaho urupfu rw’uwo munyeshuri.

Yagize ati “Nta muntu ukekwa urafatwa.”

CIP Andre Hakizimana kandi yakomeje avuga ko Polisi y’u Rwanda iticaye ahubwo ngo haracyari gukorwa iperereza ngo hamenyekane uwaba yarakoze iki gikorwa cya kinyamaswa.

Byusa Yassin yigaga mu mwaka wa gatandatu w’amashuri yisumbuye, akaba yaravukaga mu karere ka Kicukiro.

IBITEKEREZO

  1. Virababaje cyane.ibibyose birerekana iminsi yimperuka aho abavandimwe bazagambanirana bakagirirana nabi.ababyeye bihangane Imana izabashumbushe bageze mu ijuru

  2. Virababaje cyane.ibibyose birerekana iminsi yimperuka aho abavandimwe bazagambanirana bakagirirana nabi.ababyeye bihangane Imana izabashumbushe bageze mu ijuru

  3. imana ikomeze kubana nawe mubayo !!nyamara abere tuzataha!!! komeje kwihanganisha family ye ndetse nabana biganaga.imana iza garagaza abagizi banabi vuba bidatinze.police musonge mbere

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza