Gicumbi: Imodoka yajyaga Uganda yagonze umuntu arapfa

Mu karere ka Gicumbi imodoka ya sosiyete itwara abagenzi ya Volcano yajyaga muri Uganda yagonze umu ntu ahita yitaba Imana.

Mu masaha ya saa mbili z’ijoro kuri uyu wa Kabiri nibwo iyi mpanuka yabaye iyi modoka igonga umuntu ahita yitaba Imana nk’uko umuyobozi w’akarere ka Gicumbi Mudaheranwa Juvenali yabitangarije Makuruki

Yagize ati "Nibyo byabaye nijoro ni bisi ya Volcano yagonze umuntu arapfa. Iyo bisi yavaga I Kigali ijya Kampala ubu umuntu yagejejwe mu buruhukiro bw’ibitaro imodoka nayo iri kuri police ngo habanze hakorwe iperereza.”

Meya Mudaheranwa yavuze ko polisi igikora iperereza bataramenya icyateye iyo mpanuka.

Iyi mpanuka ibaye ikurikira indi yabaye ejo tariki ya 18 Mata 2017 ibera mu mujyi wa Kigali igahitana abana batatu bari bavuye ku ishuri ndetse n’umushoferi wari uyitwaye.

Yisangize Inshuti.

Ibitekerezo

Tanga Igitekerezo