Gatsibo: Umupolisi yarashe bagenzi be, yica umwe akomeretsa batatu

7

Mu rukerera rwo kuri uyu wa 2 Ukwakira, kuri sitatiyo ya polisi ya Ngarama mu karere ka Gatsibo, umupolisi yarashe bagenzi be yica umwe akomeretsa batatu maze na we baramurasa baramukomeretsa mu rwego rwo kumuca intege ngo atica benshi.

Umuvugizi wa Polisi y’u Rwanda ACP Celestin Twahirwa ni we wemeje aya makuru avuga ko kuri ubu abakomeretse barimo gukurikiranwa n’abaganga.

Uyu mupolisi warashe bagenzi be ngo birakekwa ko yaba afite ikibazo cy’uburwayi bwo mu mutwe bigakekwa ko ari cyo cyatumye akora icyo gikorwa nkuko ACP Twahirwa yakomeje abidutangariza.

ACP Twahirwa yagize ati: " Niko byagenze hari umupolisi warashe bagenzi be kuri sitasiyo ya Ngarama, akomeretsa batatu uwa kane ahasiga ubuzima, ubwo na bo bahise bamurasa kugirango adakomeza kurasa n’abandi arakomereka ubu na we ari mu bitaro hamwe n’abandi bakomeretse"

Asobanura iby’uko uyu mupolisi ashobora kuba afite ikibazo cyo mu mutwe, ACP Twahirwa yagize ati: " Bagenzi be batubwiye ko babonye asa nk’umuntu udakomeye mu mutwe, babona asa nk’aho mu mutwe we afite ikibazo kandi ntabwo ari ibintu byari bisanzwe, ni ikintu turi buze kumenya neza nyuma y’iperereza ryose kuko ntabwo bari babimuziho uretse gusa ko babonye asa n’uwataye ubwenge agenda arasa bagenzi be ariko nta bisobanuro bifatika twari twabona kucyabiteye"


ACP Twahirwa Celestin ni we wemeje aya makuru

Ubwo twavuganaga na ACP Twahirwa, abakomeretse bose bari barimo gukurikiranwa n’abaganga mu bitaro bya Ngarama ariko yatubwiye ko bashobora guhita bajyanwa ku bindi bitaro byisumbuyeho.

Iperereza rirakomeza gukorwa kuri uyu mupolisi warashe bagenzi be kugirango hamenyekane impamvu y’impamo yamuteye kurasa bagenzi be.

Inkuru yo kurasana kw’abapolisi si ubwa mbere yumvikanye muri polisi y’u Rwanda kuko no ku itariki 5 Gicurasi 2016 Umuyobozi wa Sitasiyo ya Polisi ya Busogo, mu Karere ka Musanze, CIP Mugabo Jean Bosco, yivuganwe n’umupolisi yayoboraga witwa AIP Richard Kabandize, uyu wamurashe na we ahita araswa arapfa.

Yisangize Inshuti.

Ibitekerezo 7

  1. none c ko bavuga ko ubwo burwayi atabusanganywe, aho ntiyaba yabikoze nkana? avuzwe ariko anakurikiranywe nababishinzwe.

  2. Icyiza nuko police yashaka uko abapolisi barwaye mumutwe basezererwa mbere yo kwica bagenzi babo!! kuko buri gihe mutubeshya ko barwaye mu mutwe!!!

  3. birababaje gusa twihanganishije umuryangowanyakwijyendera imana imwakire mubayogusahage hajyenzurwa imikorere yabamwe mubaporisi kuko bashobora kuba bafitibizo mungozabo bakajyamukazi batara meraneza bikababyatera gukora amahano kukazi ababishizwe muzabirebeho.

  4. Muri Police hashobora kuba hari ikibazo, KUVUGA NGO NGO UMUPOLISI ARWAYE MU MUTWE MAZE MUKAMUREKERA IMBUNDA, IBYO TWE TUBIFATA NKO KURANGARA KWABAYOBOZI,

Tanga Igitekerezo