Gasabo: Umusore yasanzwe ku muhanda yatewe icyuma ku ijosi

Mugande wasanzwe ku muhanda yatewe icyuma ku ijosi
Ku mugoroba wo kuri uyu wa Kane tariki 14 Nyakanga 2016, nibwo umusore yasanzwe ku muhanda yakubiswe icyuma ku ijosi, ibi bikaba byabereye Kimironko ku muhanda ugana kwa mushimire aho bakunze kwita ku Isangano.

Umusore uri mu kigero cy’imyaka 28 yasanzwe ku muhanda yakomeretse bikabije bikaba byabereye ku muhanda ugana kwa Mushimire aho bakunze kwita ku Isangano akaba ari mu murenge wa Kimironko.

Bamwe mu bari bahari baganiriye na Makuruki.rw bavuze ko uyu musore yaturutse aho bita Rwabutare yatewe icyuma ahagana ku ijosi ageze ku muhanda aho bita ku Isangano ananirwa kugenda aribwo yahise yikubita hasi bigaragara ko yari yabuze imbaraga kubera amaraso menshi yavaga.

Umwe mubo twaganiriye yagize ati: “ njye nageze hano nsanga bavuga ko uyu musore yaturutse Rwubutare bamuteye icyuma ahita aryama hano gusa sinzi uwamuteye icyuma ku ijosi[…] gusa nabonaga yavuye amaraso menshi ubanza aricyo cyatumye abura intege akaryama aha.”

Bakomeje bavuga kandi ko uyu musore yarazwi ku izina rya Mugande gusa bakongeraho ko batigeze bamenya andi mazina ye nyakuri ndetse n’aho aturuka.

Undi twaganiriye wabonye uyu musore yatubwiye ko yahageze asanga aharyamye nyuma y’akanya gato nibwo haje imodoka y’irondo rya Kimironko harimo umupolisi maze inkeragutabara zimushyira mu modoka ziramujyana.

Yagize ati: “nasanze bavuga ngo yaje ashaka kwambuka aradandabirana, ahita yiryamira ubwo bagumya gushungera , imodoka y’irondo rya Kimironko iraza irahagarara umupolisi arimo maze inkerakutabara enye ziramuterura bahita bagenda sinzi niba bajyanye kwa muganga."

Mu bari aho bose batubwiye ko bataramenya uwamukubise icyuma, mu gihe twahageraga tukaba tutabashije kuvugana na bamwe mu bayobozi b’ibanze cyangwa se ubuyobozi bwa Polisi ngo badusobanurire imvano yo gukomereka k’uyu musore kuko yahise ajyanwa n’imodoka y’irondo rya Kimironko.



uyu musore yasanzwe aryamye yavuye amaraso menshi bigaragara ko yari yabuze imbaraga
Mugemanyi Jean Paul
Makuruki.rw

Yisangize Inshuti.

Ibitekerezo

Tanga Igitekerezo