Kwamamaza

UMUTEKANO

Gasabo: Polisi y’u Rwanda yatahuye Muriture yatarwaga munsi y’amakaro

Yanditswe

kuya

Gasabo: Polisi y’u Rwanda yatahuye Muriture yatarwaga munsi y’amakaro

Polisi yu Rwanda yataye muri yombi Niyitegeka James wengaga inzoga zitemewe n’amategeko zizwi ku izina rya ‘’Muriture’’ akazitara mu cyobo yacukuye mu cyumba cy’izuye agatwikirizaho amakaro.

Uyu mugabo ufite umugore n’abana batanu, atuye mu mudugudu wa Taba, Akagari ka Murama, umurenge wa Kinyinya Akarere ka Gasabo.

Umuvugizi wa Polisi yu Rwanda, ACP Theos Badege yabwiye itangazamakuru ko ifatwa ry’uyu mugabo ari umusaruro ukomoka ku bufatanye hagati y’abaturage na polisi y’igihugu.

Yagize ati: ‘’iki ni igikorwa cy’inzego z’umutekano zifatanyije n’abaturage b’inyangamugayo bamaze kumva ubutumwa bwuko nta nakimwe twageraho, nta mutekano waboneka atari uko habaye ubufatanye.’’

ACP Theos Badege yongeyeheko iyo izi nzoga zifashwe abazikoze bahanwa ndetse nazwo zikamenwa hagamijwe kwibutsa abaturage ko byoroshye kubahiriza amategeko no kugirango umuturage agire ubuzima bwiza.

Ati: "Usibye kubifata baraza kubimena, hatanzwe n’ubutumwa bwatanzwe n’umuyobozi wungurije w’Akarere ka Gasabo n’umuyobozi wa polisi mu mujyi wa Kigali hagamijwe kongera kwibutsa abaturage ngo biroroshye kubahiriza amategeko […] nk’uru rugero dutanze ikigamijwe ni ugutuma habungabungwa ubuzima bw’abaturage, abaturage banywe ibifite ubuziranenge.’’

Umuyobozi wungirije ushinzwe imibereho myiza y’abaturage mu Karere ka Gasabo, Langwida Nyirabahire yishimiye ifatwa ry’izi nzoga ngo kuko ari zo mvano z’ihohoterwa rikunze kugaragara mu ngo.

Ati: "Nkuko mwabibonye ibiyobyabwenge ntabwo ari ikintu kiza, nibyo twakanguriraga abaturage mu kanya buriya nuko mutarebye neza abaturage babinywa ni ba bandi bahorana amahane mu rugo abana bagahohoterwa, abagore bagahohoterwa ndetse n’abagabo.’’

Yongeyeho ko iyo bifashwe bikerekanwa hakagaragazwa n’ingaruka zabyo bituma abaturage bamenya ububi bwazo hanyuma bakabasha kubyihana.

Ati: "ngirango biriya byabaye isomo, iyo babyerekanye hariya bakareba n’impamvu ndetse n’ingaruka zabyo ni igikorwa cyiza kandi kinini gituma abaturage bamenya ububi bwabyo kugirango babashe no kubyihana.’’

Umuvugizi wa polisi yu Rwanda yavuze ko uyu Niyitegeka James ari inshuro ya gatatu afatiwe muri iki cyaha, Yavuze ko nubundi bitazabuza Polisi kumuhana hakurikijwe amategeko ahana ibyaha mu Rwanda.


Muriture yahise ijyanwa kumenwa muri ruhurura

IBITEKEREZO

  • manirafasha hycentha Yanditse:

    kuba yafashwe nibyagaciro gakomeye bakomeze bashake nabandi rwose ndabashyigikiye

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza