GASABO:Inzu ya Depite Nkusi Juvenal yafashwe n’inkongi y’umuriro ntihagira ikirokoka

9

Iyi nkongi yakongoye inzu n’ibyari birimo byose ntihagira igisigara

Mu gitondo cyo kuri iki cyumweru tariki ya 5 Kamena 2016 inzu ya Hon Nkusi Juvenal ifashwe n’inkongi y’umuriro irashya irakongoka ibintu byarimo byose birakongoka gusa Ku bw’amahirwe abari muri iyo nzu ntihagize ugira icyo aba.

Iyi nzu yafashwe n’inkongi y’umuriro ahagana mu ma saa 10:30, ba nyiri urugo bakaba nta bari bahari uretse abana.

Ubwo inkongi yafataga iyi nzu aba bana bahise bihutira gutabaza ababyeyi na polisi ishami rishinzwe kuzimya umuriro ariko bahageze ibintu byose byangiritse k’uburyo ntacyo babashije kuramira.

Ubwo umunyamakuru wa Makuruki.rw yageraga ahabereye iyi mpanuka yasanze inzu yamaze gukongoka, bigaragara ko nta cyashoboye kurokorwa kugeza ku bikoresho birimo na mudasobwa,amakayi y’abanyeshuri, imyambaro, ibikoresho byo mu gikoni. ikindi ni uko magingo aya iyi nzu itakiri iyo guturwamo dore ubwo twahageraga umuryango wa Nkusi Yuvenali wari wamaze kuhavanwa ndetse hari gushyirwa uburinzi bw’ibyasigaye kugisa nk’itongo
.

Abadepite batandukanye bari baje gufata mu mugongo mugenzi wabo Yuvenali Nkusi barimo na Hon. Donatille Mukabalisa uyobora umutwe w’abadepite mu nteko ishinga amategeko y’u Rwanda, wahageze ubwo yaravuye mu nama nkuru y’Ishyaka PL ahagana mu ma sa cyenda y’igicamunsi.

Umuvugizi wa Polisi y’u Rwanda, ACP Celestin Twahirwa yatangarije Makuruki.rw ko icyaba cyateye iyi nkongi y’umuriro kitaramenyekana ko ipereza rigikomeje kandi anasaba abanyarwanda gukomeza kwirinda inkongi z’umuriro bakurikiza ababwiriza yabugenewe harimo gukoresha ibikoresho byujuje ubuzinanenge kandi bigakorwa n’ababizi babifitiye ubushobozi ndetse no kugira ibikoresho bizimya umuriro mu nzu batuyemo n’ibindi.

Iyi nzu ya Hon Juvenal Nkusi yari iherereye mu karere ka Gasabo umurenge wa Remera mu kagari ka Rukiri ya II yangiritse ntiyagira na kimwe arokora.


Ubutabazi bwa polisi mu kuzimya iyi nzu bwaje yamaze kurengwa n’inkongi


Inkuta zose zo munzu imbere zagwiriranye

Impande zose z’iyi nzu zakongotse

(Inkuru ya Jean Paul Niyiganga twifashishije Amafoto y’Umuseke.rw)

Yisangize Inshuti.

Ibitekerezo 9

  1. Iyi nzu yari yubatse muburyo bwamanegeka kuko imbere igizwe na rukarakara.ntabyuma namba biyiriho ahubwo ni ibiti. Umuntu wese wubatse inzu hano ku isi agomba kumenya ko zose ziri mumanegeka igihe cyose zagwa cyangwa zasenyuka. Isi dutuyeho iri hejuru yamazi niyo mpamvu hose ari amanegeka. Na Paris yibasiwe nimyuzure... Gusa yihangane, niba hasizweho uburyo twamufasha kubaka batubwira tukamugoboka

  2. Iyi nzu yari yubatse muburyo bwamanegeka kuko imbere igizwe na rukarakara.ntabyuma namba biyiriho ahubwo ni ibiti. Umuntu wese wubatse inzu hano ku isi agomba kumenya ko zose ziri mumanegeka igihe cyose zagwa cyangwa zasenyuka. Isi dutuyeho iri hejuru yamazi niyo mpamvu hose ari amanegeka. Na Paris yibasiwe nimyuzure... Gusa yihangane, niba hasizweho uburyo twamufasha kubaka batubwira tukamugoboka

  3. mbega ukuntu tukiri inyuma wee!!! inzu iri mumugi wa kigali igashya ikarinda ikongoka koko abazimya batarahagera yewe turacyakeneye byinci byibanze pe nta terambere mbona mugihe hari abakirya 1kumunsi naba rwara ntibabone kivurira nubutabazi bwibanze buki inyuma gutya!!!! gusa buhoro buhoro tuzabigeraho

  4. Ahubwo Midmar imugoboke imwubakaire ndumva ari i iza mubindi niba hafashwa abaturage kuki umuyobozi ataafashwa nkumuntu wahuye nibiza

Tanga Igitekerezo