Warning: imagejpeg(local/cache-vignettes/L463xH310/arton11811-61abd.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435

Warning: imagejpeg(local/cache-vignettes/L702xH469/arton11811-079d9.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Bane bafashwe bagerageza guha ruswa abashinzwe umutekano barimo na DASSO .|. Makuruki.rw | Amakuru Asesenguye!

Bane bafashwe bagerageza guha ruswa abashinzwe umutekano barimo na DASSO

Abagabo bane batawe mu ri yombi mu bihe bitandukanye bakekwaho kugerageza gutanga ruswa ku bashinzwe umutekano nyuma yo gufatirwa mu bikorwa binyuranyije n’amategeko.

Abitwa Abdullah Mohamed , Biyondo George William na Rukundo Thierry , bose ni abashoferi, bakaba barafashwe mu ijoro ryo ku wa 6 Kanama 2016 ku muhanda wa Gicumbi-Gatuna.

Polisi ihakorera ivuga ko batanze amafaranga ari hagati ya 1000 na 2000 mu igenzura ry’ibyangombwa by’imodoka bari batwaye buri wese, ryaberaga mu murenge wa Cyumba, mu karere ka Gicumbi.

Ubu bose bakaba bafungiye kuri sitasiyo ya Polisi ya Byumba mu gihe hagikorwa iperereza.

Mu karere ka Kicukiro kandi, Polisi ihakorera kuri uyu wa gatandatu tariki 6 Kanama 2016 ku manywa, yataye muri yombi uwitwa Bugingo Jean Paul w’imyaka 36, agerageza guha ruswa y’amafaranga 200,000 frw , umukozi w’urwego rwa DASSO mu murenge wa Kigarama, mu kagari ka Nyarurama.

Kuri iki gikorwa, umuvugizi wa Polisi y’u Rwanda mu Mujyi wa Kigali, Superintendent Emmanuel Hitayezu yavuze ko uyu mugabo yafashwe mu gihe hakorwaga umukwabu wo kureba abafite inyubako nshya niba bafite ibyangombwa bibemerera kubaka.

SP Hitayezu yagize ati:”Umudasso wari uri mu kazi yasanganye ibyangombwa Bugingo avuga ko yakuye ku karere ka Kicukiro, ariko basanze ari ibihimbano , nibwo yahise ashaka gutanga 200,000 ya ruswa ngo bamureke yikomereze, ahita afatwa ubu akaba afungiye kuri sitasiyo ya Polisi ya Gikondo.”

SP Hitayezu asobanura iyi mikorere ku bashinzwe umutekano ari iya kinyamwuga maze akangurira abaturage muri rusange kwirinda gutanga no kwakira ruswa, anabasaba kujya batanga amakuru ku gihe ku kintu cyose kiganisha kuri ruswa n’ibindi binyuranyije n’amategeko.

Yagize na none ati:" Aho gukora ikintu nawe uzi ko kitemewe n’amategeko wizeye ko uri butange ruswa bakakureka, ibyiza wareka gukora icyo kintu kuko nawe bikugiraho ingaruka, ruswa imaze kuba umuziro kandi nta mwanya ifite mu Rwanda no muri Polisi by’umwihariko”

Yisangize Inshuti.

Ibitekerezo

Tanga Igitekerezo