Kigali:Ububiko bw’inyubako ADARWA bwafashwe n’inkongi y’umuriro

Umuriro wibasiye inyubako ya ADARWA hafi y’agakiriro ka Gisozi igice kinini kirashya mu gitondo cyo kuri uyu wa Gatanu.

Kuri ubu Polisi y’igihugu yamaze kuhagera ikaba ikomeje kuzimya inarinda ibice bitarageraho umuriro.

Abari bahari babonye iyi nkongi itangira bavuga ko byatangiye mu saa kumi n’ebyiri n’igice.

Ipoto y’umuriro ngo niyo yateye iyi nkongi.

Edimond Mulisa umwe mu bakoreraga muri iyi nyubako aganira na Makuruki yagize ati:" ibi bintu byatangiye mu ma saa moya nibwo twabimenye turaza dusanga insinga zirimo ziraturagurika, urebye niyo ntandaro ni izi nsiga z’amashanyarazi, ni installation igomba kuba itameze neza."

Habumugisha Cyprien we byatangiye ahibereye abwira Makuruki uko byagenze yagize ati:" Twari twicaye hariya tugiye kubona tubona ipoto umuriro uragurumanye, twitabaza poilisi turahamagara natwe dutangira gukora uko dushoboye ariko umuriro uturusha ingufu, polisi nayo yaje umuriro wamaze kuba mwinshi."

Mukeshimana, umwe mu buriye ibintu byinshi mu nkongi avuga ko yahishije ibicuruzwa bya miliyoni zigera kuri 200 z’amafaranga y’u Rwanda . Kimwe n’abandi nawe avuga ko ipoto iri kuri iyi nyubako ariyo yabateye ibi byago bagasaba ko yakurwaho cyangwa bakayensitara neza.

Gusa abafite ibyabo byahiye bose babashije kuvugisha Makuruki bavuze ko basanzwe bafite ubwishingizi bw’ibicuruzwa byabo.




Iyi poto niyo bavuga ko yateye iyi nkongi









Yisangize Inshuti.

Ibitekerezo

Tanga Igitekerezo