Abasirikare b’u Rwanda barwanisha imodoka z’intambara baritegura kujya muri Centrafrique

1

Abasirikare 140 mu ngabo z’u Rwanda barwanisha ibimodoka za gisirikare mu minsi micyeya barerekeza mu gihugu cya Centrafrique mu butumwa bw’amahoro.

Minisiteri y’ingabi ibicishije ku rubuga rwayo rwa interineti yatangaje ko izi ngabo zizahaguruka mu Rwanda kuri uyu wa kabiri tariki ya 26 nzeli 2017. Gusa kohereza imodoka bazajya bakoresha bikaba byaratangiye tariki ya 16 Nzeli 2017.

Izi ngabo zigiye kugenda zizafatanya n’izindi zo muri Batayo y’ingabo z’u Rwanda ikorera mu murwa mukuru wa Bangui mu gihe cy’amezi 4 mu gihe bazaba bategereje ahandi bajya kubungabunga amahoro.

Minisiteri y’Ingabo ivuga ko uwo mutwe w’ingabo wasabwe n’ingabo za Loni zibungabunga ubutumwa muri Centrafrique (MINUSCA), hagamijwe guhangana n’umutekano muke muri iki gihugu.

U Rwanda rwatangiye kohereza abasirikare babungabunga amahoro muri Centrafrique mu mwaka wa 2014, ingabo z’u Rwanda ni zimwe mu ngabo zishimwa umurava, ubushake n’ubunyamwuga bakorana mu butumwa bw’amahoro mu bihugu zoherezwamo.


Imodoka bazifashisha zatangiye kugenda

Yisangize Inshuti.

Ibitekerezo 1

  1. Ingabozurwanda amahoro zizayabungangabunga.numwuga zatojwe.sukwibeshya.zirashoboye.nzinezako.africa yose irabizi.haribabihamya.babibonye. ataramagambo.!!hhh

Tanga Igitekerezo