Abapolisi basoje amasomo y’abofisiye bato bibukijwe urubategereje

2

Minisitiri w’umutekano mu gihugu Sheikh Musa Fazil Harerimana yibukije abapolisi b’u Rwanda bo kurwego rw’abofisiye bato (AIP:Assistant Insepector of Polisi) basoje amasomo ko u Rwanda n’Abanyarwanda babitezeho kutihanganira abanyabyaha ndetse no gukunda igihugu bakanagikundisha Abanyarwanda.

Ni amahugurwa yasojwe kuri uyu wa 29 Nyakanga 2016, yari amaze umwaka n’amezi 5 yahuzaga abasore n’inkumi 429 barimo abanyamahanga 14 , barimo 2 bavuye mu gihugu cya Namibiya, 10 bo muri Sudani yepfo na 2 bavuye mu gihugu cya Uganda.

Mu ijambo ry’umuyobozi w’ishuri ry’amahugurwa ya gipolisi CP Jean Bosco Kabera yavuze ko abanyeshuri ubundi batangiye ari 435 ariko batandatu baza kuvamo kubera impamvu zitandukanye hasigara 429.

Bidakunze kubaho, umushyitsi mukuru ari na we wambitse impeta aba bapolisi yari Minisitiri w’umutekano mu gihugu Sheikh Musa Fazil Harerimana.

Mu ijambo rye akaba yashimiye aba baosore n’inkumi ubutwari n’ubwitange bagize mu gihe cy’umwaka n’amezi atanu bari bamaze muri aya mahugurwa.

Minisitiri Harerimana kandi yibukije aba bapolisi ko u Rwanda n’abanyarwanda babategerejeho inshingano zikomeye zo gukomeza kubungabunga umutekano haba mu gihugu imbere no mu mahanga.

Yagize ati: Amezi 15 mumaze muri aya mahugurwa yari intangiriro ku kuba abofisiye mu nzego z’umutekano, Abanyarwanda babitezeho kubumbatira umutekano no kutihanganira abanyabyaha. Amahugurwa nk’aya anashimangira amahitamo abanyarwanda twakoze yo gushyira umutekano ku isonga.


Minisitiri Fazil aha impanuro abapolisi bahawe impeta z’abofisiye bato

Minisitiri Fazil yakomeje yibutsa aba bapolisi ko bafite inshingano zo gukunda igihugu no kugikundisha abanyarwanda, bakitangira igihugu igihe cyose.

Minisitiri Harerimana yavuze ko u Rwanda rwakuye isomo mu kutagira umutekano aho byarugejeje kuri Jenoside yakorewe Abatutsi. Gusa yavuze ko u Rwanda ubu rutakwiharira ibyiza rufite ubu mu kugira umutekano ko ahubwo ruwusangiza ibindi bihugu.

Ati: Abanyarwanda ntitwiharira ibyiza dukesha umutekano, tuwusangiza n’ibindi bihugu, ubu dufite abapolisi mu bihugu bitandukanye aho bagiye kubungabunga umutekano.

Muri uyu muhango hanahembwe abapolisi 3 b’intashyikirwa bahize abandi, aho ibihembo byahawe umunyarwandaTwahirwa Johnson, Umunya Namibiyakazi Kashululu Elicia wanahembwe nk’umukobwa wahize abandi na Amanya Franklin wahembwe nk’umunyeshuri wahize abandi bose, aho uyu we hejuru y’impamyabumenyi yahawe bagenzi be we yongerereho umudali w’ishimwe.

Aba bapolisi bokurwego rwa AIP ni ikiciro cya 8 kuva mu mwaka w’2000 hatangizwa polisi y’igihugu.


Abayobozi batandukanye bafashe urwibutso n’bapolisi barangije amasomo y’abofisiye bato

Abapolisi mu karasisi


bamwe mu bapolisi bahawe ibihembo


Minisitir Fazil ari na we wari umushyitsi mukuru ubwo yari ageze i Gishari

Yisangize Inshuti.

Ibitekerezo 2

  1. IBI NIBYIZA CYANE KUKO NDABONA UMUTEKANO UGIYE KURUSHAHO KUBA MWIZA KUKO UMUBARE WABAPOLISI UYINGAYINGA UMUBARE WABATUYE MURWAND !! ARIKOSE. UMUSHARA WABO KO MBONA ARIBESHI ?????

  2. IBI NIBYIZA CYANE KUKO NDABONA UMUTEKANO UGIYE KURUSHAHO KUBA MWIZA KUKO UMUBARE WABAPOLISI UYINGAYINGA UMUBARE WABATUYE MURWAND !! ARIKOSE. UMUSHARA WABO KO MBONA ARIBESHI ?????

Tanga Igitekerezo