Yatawe muri yombi nyuma yo gutera inda umukobwa yibyariye akabitera utwatsi

Umugabo witwa Gafar Hamza wo mu gace ka Akinyele, mu gihugu cya Nigeria yemeje ko yafashe icyemezo cy’uko atazongera kwikinisha bityo ahitamo kuryamana n’umukobwa we gusa yaje gutabwa muri yombi nyuma y’uko bimenyekanye ko yamuteye inda.

Amakuru dukesha Popafro.com aravuga ko umwe mu baturanyi b’uyu Hamza w’imyaka 42 yabwiye polisi ko we n’umugore we bavumbuye ko uyu mwana w’umukobwa w’imyaka 20 yari atwite inda yatewe na se nyuma y’uko bari bamaze igihe kinini baryamana.

Umuyobozi wa polisi CP Leye Oyebade muri kariya gace yerekanye uyu ukekwaho ibyaha imbere y’abanyamakuru mu cyumweru gishize ubwo yavugaga ko ikirego cy’uyu mugabo cyagejejwe kuri sitasiyo ya polisi,ushinjwa yahise yoherezwa mu rwego rushinzwe kugenza ibyaha no gukora iperereza (SCIID) kugira ngo hakorwe iperereza ryimbitse ku byaha aregwa.

CP Oyebade yavuze ko uyu mugabo ukekwaho kuryamana n’umwana w’umukobwa yibyariye azoherezwa mu rukiko vuba, Hamza watandukanye n’umugore yemeje ko yaryamanye n’umukobwa we.

Yagize ati; " Nibyo koko naryamanye n’umukobwa wanjye ariko nabitangiye ubwo yari aje mu nzu yanjye muri Gashyantare uyu mwaka wa 2016. Ntekereza ko imbaraga z’imyuka mibi zaturutse ku bantu banyanga badashaka ko ntera imbere bigatuma nkora aya mahano. Ntekereza ko ari imyuka mibi yankoresheje."

Yakomeje agira ati: "Nkoresheje ikiyobyabwenge cya marijuana n’ibisindisha mu myaka 15, nakoreshaga urumogi kugira ngo ntasinzira mu kazi kanjye nkora ninjoro, nakoreshaga ibisindisha kugira ngo nirinde imbeho n’ubukonje by’ijoro kubera ngira ikibazo cy’ubuhumekero byose ni bimwe mu byabinkoresheje."

Uyu mugabo w’abana 2 hashize imyaka 15 atandukanye n’umugore we ubwo umwana wa 2 w’umuhungu yari afite umwaka 1.

Yagize ati: "Hashize imyaka 15 nyina w’abana antaye ajya gushaka undi mugabo, sinigeze ndeka kurera aba bana twabyaranye, ndacyari no mu bibazo byo gutandukana kubera ko abagore bandetse inshuro nyinshi nyuma yo kugenda banyiba amafaranga."

Hamza ukekwa arashinjwa gusambanya umukobwa inshuro enye yiregura ko atabaga yabiteguye ndetse akaba ataramenyaga igihe byabereye.

Yagize ati: " Yaraje (umukobwa) aransuhuza gusa ibyakurikiyeho n’uko nisanze aryamye impande zanjye, incuro ya mbere turyamana urugi ntabwo rwari rukinze, umuhungu wanjye yaraje aratubona, yaransuhuje ansaba amafaranga yo kugura ifunguro rya mu gitondo, njye n’umukobwa wanjye twari twambaye ubusa. ubwa kabiri ubwo yadufataga yasanze namaze kurekurana nawe, naryamanye nawe inshuro enye gusa."

Uyu mugabo n’ubwo yemera ko yaryamanye n’umukobwa we gusa ntiyemera ko ari we wamuteye inda kuko avuga ko uyu mukobwa yari afite undi musore bakundanaga banaryamana.

Yagize ati: "Sinakwemeza ko ari njye wamuteye inda kubera ko afite agacuti ke gato bakunda kuryamana. n’ubwo twaryamanye hari abagore bamwe na bamwe baba bazi ko iyo babyibushye baba batwaye inda, yambwiye ko yatwise nyuma namwitayeho muha imwe mu miti nyuma yongera kujya mu mihango nk’uko bisanzwe."

Nyuma y’aho yarambwiye ati: " Papa nagiye mu mihango , kuva icyo gihe sinigeze mubuza kuryamana n’inshuti ze, sinigeze mubwira kwirinda mu bijyanye n’amahitamo ye."

Aya ni amagambo Hamza yavugaga ubwo yari arimo kwiregura agaragaza ko atari we wateye inda uyu mukobwa we n’ubwo nawe ari mu baryamanye nawe.

Yisangize Inshuti.

Ibitekerezo

Tanga Igitekerezo