Umugande Omar avuga ko yanze gutanga ruswa bigatuma asenyerwa kandi yarubatse ahawe ibyangombwa n’abamusenyeye

5

Inzu ya Omar ubwo yariri gusenywa

Musoni Omar umugabo ukomoka muri Uganda uherutse gusenyerwa mu kagari ka Karuruma mu murenge wa Gatsata mu mujyi wa Kigali avuga ko yasenyewe kandi afite ibyangombwa azira ko yanze gutanga icyo yise ibihembo yasabwe n’abayobozi.

Mu masaha ya mugitondo kuwa kabiri nibwo uyu mugabo yasenyewe inzu yaramaze iminsi yujuje abasore bayisenyaga bari bahagarikiwe n’umuyobozi w’akagari ka Karuruma,Umuyobozi ushinzwe imyubakire mu murenge wa Gatsata ndetse n’umuyobozi ushinzwe umutekano muri uyu murenge.

Musoni Omar avuga ko intandaro yo gusenyerwa ari uko atatanze ibihembo yasabwe nk’uko abivuga ati:” Kugirango iyi nzu isenywe hari umuntu wampamagaye ejobundi ambwira ati ko wubatse inzu ikaba yaruzuye ukaba utaraduhembye bimeze bite? Ndababwira nti ese nubakira mwebwe kugirango mbahembe.”

Avuga ko yahamagawe n’inkeragutabara imwe yitwa Kazungu indi yitwa Rukara ,Omar avuga ko atazi igihembo bamwakaga uko kingana gusa ngo akimara kubahakanira bahise bajya gutanga raporo mubuyobozi bwo hejuru ngo buze kumusenyera.

Akavuga ko yibaza impamvu bamusenyeye kandi yarubatse afite icyangombwa ati :” nibaza uburyo bansenyera kandi iyi nzu yari imaze igihe ikora kandi ibyo nasabwe narabitanze nibyangombwa nasabye barabimpa sindamenya impamvu bashingiyeho ngo bansenyere.”

Muhire Mashami Roger umuyobozi w’akagari ka Karuruma avuga ko icyangombwa Omar yahawe kitemewe ngo kuko icyangombwa cyo kubaka kitangwa n’akarere.

Ati :” hari dosiye yazanye ku murenge wenda twagira icyo tubivugaho tumaze kuyisuzuma ariko ibyo aribyo byose icyangombwa yahewe ntabwo kijyanye nibyo yubatse ahangaha kandi nta n’icyangombwa yahawe kuri ubu butaka ubundi ibyangombwa byo kubaka bushyashya bitangwa n’akarere ntabwo bitangwa n’umurenge nta n’ubwo bitangwa n’akagari.”

Egide Twizeyimana ushinzwe imyubakire mu murenge wa Gatsata we ariko asa n’uvuguruza uyu muyobozi w’akagari kuko we avuga ko yahwe ibyangombwa banamusuye ahubwo byari ibyo kubaka igikoni n’ubwoherero.

Ati :” nibyo koko uyu muturage yasabye ibyangombwa byo kubaka igikoni n’ubwiherero ni ibyangombwa bitangwa n’umurenge twaramusuye tubona ko abikwiriye koko . Hanyuma yahise agendera kuri cya cyangombwa afite aragenda abikorera ahandi hatandukanye naho yasabiwe.”


Omar avuga ko yasabye ibyangombwa akanagihabwa binyuma mu nzira zemewe

Musoni Omar avuga ko aba bagabo bombi yicaranye nabo mbere y’uko yubaka bakamugira inama y’uko yubaka ndetse bakanagirana amasezerano. Ariko ngo bari kuyihakana.

Ati :”amasezerano twagiranye batangiye kuyihakana kuko bageze mu gikorwa nyamukuru mbere yo kubaka aha hantu twabanje kujya inama niba bahakana ko ataribo banyemereye kubaka turahari namwe murahari tujye mu rugo ni hano haruguru berekane aho bavuze ngo nari kubaka igikoni n’ubwiherero.”

Yakomeje avuga ko afite igikoni n’ubwiherero ndetse ko nta n’umwanya afite mu rugo yari kubyubakamo.

Ati :”Mu rugo hariya mpafite ubwiherero 2 n’igikoni aba bagabo twaricaranye nabo ahantu ku meza imwe dupanga umushinga runaka igikoni n’ubwiherero nibo babihimbye kuko jyewe narababwiye ngo ndashaka gukora imigati ,capati n’amandazi kandi singiye kubikorera hano mu rugo kuko ubwiherero ndabufite n’igikoni ndagifite mwanahagera mukareba nta n’umwanya urimo wo kubaka ikindi kintu icyo aricyo cyose nimusanga urimo mumenye ko jyewe mbeshya nimusanga utarimo mumenye ko nabo babeshya.”

Omar ashimangira ko gusenyerwa inzu byatewe n’uko ruswa bashakaga atayibahaye. Abaturage baturanye n’uyu mugabo ukomoka muri Uganda nabo kandi bavuga ko yarenganyijwe kandi ko ari ibintu byabaye umuco kuko ngo iyo ubuze ruswa yo kubaha bagusenyera kandi warubatse baguhaye ibyangombwa.

Yisangize Inshuti.

Ibitekerezo 5

  1. Mukomere!

    Ariko badukijije abayobozi nkaba birirwa bayobya abaturage koko??
    ko mbona icyangomwa Ukibona wese agomba kuba yaserereye hanyuma bakanamusenyera
    batubabariye ibyangombwa byogusana bikajya bitangirwa kuri tel zacu ngendanwa niba aramafaranga tukayatanga kuri Mobilemoney cg kwirembo nkuko twishyura imisoro namazi,...Hanyuma nyuma yokwishyura icyo wasabye niba ari ugusana bakagusubiza udahuye nabo bambuzi ,ibi bituma abaturage banga ubuyobozi :niba umuyobozi ariwe ugushora mumakosa se!!

    Nge ndasaba ko ibyangombwa byose byatangirwa kugihe umuturage akajya abona service yatse mubutaka akayibona nyuma yicyumweru byibuze,ahokugirango icyangombwa kibe 1200FR uziruke amezi menshi .,ushyireho transport uzakoresha ujyayo uzasanga namananiza !! birutwa nokudusaba 10,000FR kucyangombwa bakongera abakozi babikora ntibitinde kuko mwuko gutinda nabyo biteza izindi mbogamizi....

    kdi bishobotse bakemure ikibazo kibijyanye nibyubutaka bagihagurukire rwose niba umuntu yatanze umusoro wubutaka inzu ishaje yenda kumugwaho igihe kinini yasaba icyangombwa bakacyimuha fr yogusana yarafite yarayamaze ntacyobyababimaze pe rwose batureke tuzisane bitagoranye. kandi ibi byokuyobya abaturage biri muri Gasabo !!! wasaba ibyangombwa bakaguhererekana nkabaherererekanya ..nyuma bakatuyobya ntabwo basobanurira umuturage neza kdi uyumutego abenshi tuwugwamo kuko icyambere barakuyobya , batinda kuguha ibyangombwa,ndetse waba urumuntu udashaka kubaha ruswa bakaguha icyangombwa yishakiye
    harimo ibintu byamananiza gusa kuburyo ugwamumutego byanze bikunze kuko uba wabizeye nkabayobozi bakugiriye inama ngo nziza.

    Turakomeza dusenge Imana izabadufasha

  2. Mukomere!

    Ariko badukijije abayobozi nkaba birirwa bayobya abaturage koko??
    ko mbona icyangomwa Ukibona wese agomba kuba yaserereye hanyuma bakanamusenyera
    batubabariye ibyangombwa byogusana bikajya bitangirwa kuri tel zacu ngendanwa niba aramafaranga tukayatanga kuri Mobilemoney cg kwirembo nkuko twishyura imisoro namazi,...Hanyuma nyuma yokwishyura icyo wasabye niba ari ugusana bakagusubiza udahuye nabo bambuzi ,ibi bituma abaturage banga ubuyobozi :niba umuyobozi ariwe ugushora mumakosa se!!

    Nge ndasaba ko ibyangombwa byose byatangirwa kugihe umuturage akajya abona service yatse mubutaka akayibona nyuma yicyumweru byibuze,ahokugirango icyangombwa kibe 1200FR uziruke amezi menshi .,ushyireho transport uzakoresha ujyayo uzasanga namananiza !! birutwa nokudusaba 10,000FR kucyangombwa bakongera abakozi babikora ntibitinde kuko mwuko gutinda nabyo biteza izindi mbogamizi....

    kdi bishobotse bakemure ikibazo kibijyanye nibyubutaka bagihagurukire rwose niba umuntu yatanze umusoro wubutaka inzu ishaje yenda kumugwaho igihe kinini yasaba icyangombwa bakacyimuha fr yogusana yarafite yarayamaze ntacyobyababimaze pe rwose batureke tuzisane bitagoranye. kandi ibi byokuyobya abaturage biri muri Gasabo !!! wasaba ibyangombwa bakaguhererekana nkabaherererekanya ..nyuma bakatuyobya ntabwo basobanurira umuturage neza kdi uyumutego abenshi tuwugwamo kuko icyambere barakuyobya , batinda kuguha ibyangombwa,ndetse waba urumuntu udashaka kubaha ruswa bakaguha icyangombwa yishakiye
    harimo ibintu byamananiza gusa kuburyo ugwamumutego byanze bikunze kuko uba wabizeye nkabayobozi bakugiriye inama ngo nziza.

    Turakomeza dusenge Imana izabadufasha

  3. Abayobozi bahariya ni abagome baraza bakagushuka ngo baraguha ibyangombwa bakaguha ibitaribyo babizi nyuma ugashiduka waguye mu mutego. Bakagusenyera kdi barakubwiraga ngo Nta kibazo.Ibyo Hari undi byabayeho.

  4. Abayobozi bahariya ni abagome baraza bakagushuka ngo baraguha ibyangombwa bakaguha ibitaribyo babizi nyuma ugashiduka waguye mu mutego. Bakagusenyera kdi barakubwiraga ngo Nta kibazo.Ibyo Hari undi byabayeho.

  5. nkurikije uko mbibona nuwo mugande abifitemo uruhare gusenyerwa none c kobamuhaye icyangombwa cyokubaka WC kuki atagiye kugihinduza atarubaka? ahubwo buriya yari yatanze akantu none baramwigaramye niyihangane

Tanga Igitekerezo