Ubufaransa bwasabiye abanyarwanda babiri gufungwa ubuzima bwose

Octavien Ngenzi (ibumoso) na Tito Barahira basabiwe gufungwa burundu

Abanyarwanda babiri barimo Tito Brahira ndetse na Octavien Ngenzi bombi bashinjwa ibyaha bya Jenoside bakoreye mu cyahoze ari Komini Kabarondo, Perefegitura ya Kibungo, ubu ni mu karere ka Kayonza, basabiwe n’urukiko rwo mu bufaransa igihano cy’igifungo cya burundu nyuma yo kubahamya ibyaha bya Jenoside.

AFP dukesha iyi nkuru ivuga ko mu mezi abiri y’iburanisha ashize, mu rukiko rw’i Paris umushinjacyaha Philippe Courroye yatangaje ko Octavien Ngenzi w’imyaka 58 na Tito Barahira w’imyaka 65 y’amavuko bakoze Jenoside mu cyahoze ari komini Kabarondo, aho batangaga amabwiriza yo kwica batemye Abatutsi.

Octavien Ngenzi wari Burugumesitiri wa komini Kabarondo mu gihe cya Jenoside, ashinjwa gutanga amabwiriza yo kwica abatusti nubwo ngo we nta bwicanyi yagarayemo mu buryo butaziguye.

Tito Barahira we ashinjwa kuba nawe yari ayoboye ubwicanyi muri iyi Komini, aho bivugwa ko ngo yabaga ari kumwe n’abicanyi yitwaje mu ntoki ibikoresho birimo icumu.

Ubwicanyi bw’indengakamere aba bagabo bashinjwa kugiramo uruhare, ngo bwabaye tariki 13 Mata 1994, aho ngo abatutsi batari bake biciwe muri Kiriziya ya Kabarondo bari bahungiyemo ku bwinshi biringiye kuhakirira.

Aba bagabo babaye aba kabiri baburanishijwe n’ubutabera bw’ubufaransa nyuma ya Pascal Simbikangwa na we waburanishijwe n’ubutabera bw’iki gihugu agakatirwa imyaka 25 y’igifungo nyuma yo guhamywa ibyaha bya Jenoside.

Yisangize Inshuti.

Ibitekerezo

Tanga Igitekerezo