Nyuma yo gukatirwa n’urukiko, Oscar Pistorius yahawe imbabazi

Umukuru w’igihugu cy’ Afurika y’epfo Jacob Zuma aherutse gukoresha ububasha ahabwa n’amategeko asohora itangazo ritanga imbabazi ku mukinnyi w’imikino ngororangingo Oscar Pistorius wari wahamijwe icyaha cyo kwica Uwarumukunzi we Reeve

Hari hashije iminsi humvikana Inkuru zivuga imanza za Oscar Pistorius mubinyamakuru bitandukanye ku isi ndetse ugasanga abantu batabivugaho rumwe, bamwe bakemeza ko yishe umukobwa bakundanaga kubera uburakari yari agize bashwanye, naho we akiregura avuga ko yamwikanzemo umujura akamurasa.

Ibi byabaye ku munsi w’abakundana muri 2013 (Valentine’s Day 2013), ubwo Pistorius yarasiraga Reeve Steenkamp mu bwogero akavuga ko yari amwikanzemo umujura.


Pistorius arikumwe n’uwari umukunzi we mbere yo kumurasa

Ikirego cyakomeje mu mwaka wakurikiyeho ndetse Pistorius aza gukatirwa imyaka 5 y’igifungo ahamijwe icyaha cyo kwica yabigambiriye. Mu Gushyingo 2014 yajuririye urukiko ndetse aza no kurekurwa afungishwa ijisho mu nzu isanzwe itari gereza. Ibi ariko ntibyabujije ko ku itariki 06/07/2016 yakatiwe imyaka 6 y’igifungo ahamywa icyaha cyo kwica.

Abantu benshi batunguwe no kumva Pistorius ahawe imbabazi ndetse mu batunguwe harimo na nyir’ubwite gusa avuga ko kuba ababariwe bitavuze ko yemeye icyaha ko ahubwo ari ikimenyetso simusiga cy’uko yarenganaga ndetse ngo ntacyo umutima umushinja.

Izi mbabazi yazihawe ku itariki 13/07/2016 zikaba zikubiyemo ko ababariwe ibyaha byose yaregwaga ndetse n’ibyo ashobora kuregwa mu gihe kizaza bishamikiye ku mukunzi we witabye Imana.

Pistorius yamenyekanye cyane kubera ubuhanga bwe mu kwiruka agasiga abantu bafite amaguru mu gihe we nta maguru agira akoresha ibyuma bisimbura amaguru kuko yavukanye indwara ituma imitsi yo mu maguru idakomera biza no gutuma bamuca amaguru afite amezi 11 gusa.

Yisangize Inshuti.

Ibitekerezo

Tanga Igitekerezo