Nyamasheke: Avuga ko yabuze icyangombwa ku Irembo kuko atazi se

Ndikubwimana Jean utuye mu karere ka Nyamasheke arasaba gufashwa kubona ibyangombwa biboneka ku rubuga Irembo nyuma y’aho byangiye kuko adafite se umwanditseho.

Ndikubwimana Jean avuga ko afite nyina umubyara ariko akaba atazi se kuko batigeze babana, bikaba byaranatumye yandikwa kuri nyina gusa mu bitabo by’irangamimerere.

Kuba mu Ndikubwimana Jean yanditse ku mubeyi umwe avugo ko byamugizeho ingaruka zikomeye cyane cyane mu gihe agiye gushaka ibyangombwa ku rubuga rwa Irembo.

Yagize ati “ubu ntabwo nshobora kubona bimwe mu byangombwa, kuko kudeclara ntibikunda. nkubu nabuze icyangombwa cyerekana ko nakatiwe cyangwa ntakatiwe n’inkiko,ku buryo bishobora kunyirukanisha mu kazi kandi ntarigeze nkatirwa n’inkiko.None njye singihabwa kuko process ya declaration kw’irembo ntiyemera ngo kubera harimo umwanya utujuje,nta mazina ya data agaragaramo.”

Ntabwoba Jules, Ushinzwe imenyekanishamakuru y’urubuga Irembo avuga ko mu busanzwe iyo umuntu yanditse ku mubyeyi umwe bitamwambura uburenganzira bwo kubona icyangombwa, ahubwo ko byaba ari ikibazo cyihariye kuri we kandi ko yakwegera abakozi b’Irembo bakakimukemurira.

Yagize ati “ birakunda, iyo ushyizemo nomero y’irangamantu ku mazina y’umubyeyi hazaho agakubo (x) icyo gihe rero biramutse byanga yazana indangamuntu ye tukamurebera ariko muri rusange ntabwo byanga.”

Ntabwo Jules yakomeje avuga ko umuntu udashobora kwemererwa zimwe muri serivisi zitangirwa ku rubuga Irembo ari umuntu ushaka kwiyandikishaho umwana kandi atarasezeranye.

Yisangize Inshuti.

Ibitekerezo

Tanga Igitekerezo