Nsanzimfura wareganwaga na Maj Rugomwa ubwicanyi yakuriweho iryozwacyaha

Nsanzimfura Mamerito na Maj Dr Rugomwa Aimable (wambaye impuzankano ya gisirikare) imbere y’urukiko

Nyuma yuko umuganga agaragaje ko Nsanzimfura Mamerito afite uburwayi bwo mu mutwe, Urukiko rw’ibanze rwa gisirikare i Nyamirambo rwategetse adakomeza gukurikiranwa mu rubanza yareganwagamo na Maj. Dr. Aimable Rugomwa bashinjwa kwica bakubise umwana.

Aba bagabo b’abavandimwe bashinjwa kwica bakubise umwana w’umuhungu witwa Mbarushimana Théogène.

Umwanzuro wo guhagarika gukurikirana Nsanzimfura Mamerito wafashwe nyuma yuko umuganga ubifitiye ububasha amaze kumusuzuma akagaragaza ko afite uburwayi bwo mu mutwe.

Ubushinjacyaha bwavuze ko ubwo burwayi muganga yagaragaje busuzumwa hakarebwa neza niba koko buhuye n’ubuvugwa mu mategeko ahana ibyaha mu Rwanda aho mu ngingo 101 ivuga ko umuntu udakurikiranwa ari ufite uburwayi bwo mu mutwe.

Igihe.com yatangaje ko urukiko rwasuzumye ibyagaragajwe n’icyemezo cya muganga bwemeza ko n’ibiteganywa n’ingingo ya 101 yo mu gitabo cy’amategeko ahana y’u Rwanda kubijyanye n’abantu batemerewe gukurikirnwa mu mategeko rutegeka ko atakomeza gukurikiranwa.

Ku rundi ruhande ariko, Major Dr Rugomwa we yakomeje kuburanishwa iki cyaha. We aremera ko yakubise uyu mwana ariko ko atamwishe, gusa akavuga ko kumukubita bishobora kuba byaramuviriyemo gupfa bityo akavuga ko yamwishe atabigambiriye (bidaturutse ku bushake.)

Yisangize Inshuti.

Ibitekerezo

Tanga Igitekerezo