Musanze:Yiciwe umugabo ngo abwirwa ko uwamwishe atafungwa kuko atanga umusoro mwinshi

45

Umuturage witwa Murekatete utuye mu Karere ka Musanze umurenge wa Muko avuga ko umugabo we yishwe bikarangira abuze ubutabera ahubwo akabwirwa ko uwamwishe atafungwa kuko ngo atanga umusoro mwishhi muri Leta.

Murekatete avuga ko tariki ya 10/10/2015 umugabo we Naramenye Jean Pierre wapatanaga imirimo itandukanye yahamagawe n’umwe muri ba rwiyemezamirimo wo mu Karere ka Musanze mu Mureneg wa Nyange, undi agenda azi ko agiye gupatana ngo ahita amuhururiza baramwica.

Uyu mudamu ubwo yabonaga Minisitiri w’ubutegetsi bw’igihugu Kaboneka Francis yahise amutura iki kibazo. N’agahinda kavanze n’amarira yavuze ko yiciwe umugabo ariko akabwirwa ko uwamwishe atahanwa ngo kuko atanga umusoro mwinshi muri Leta

Minisitiri yahise amuhuza na Polisi ngo imukemurire icyo kibazo mu gihe cya vuba.

Makuruki yifuje kuganiriza Murekatete ngo asobanure neza iby’urupfu rw’umugabo we.

Mu magambo ye yagize ati: "Umugabo wanjye yarapatanaga (umwubatsi) ubwo umukire bakoranaga aza kumuhamagarara ngo amusange iwe mu rugo, aragenda azi ko agiye gupatana ahageze ahita amuhururiza bagenzi be baramwica. Ngiye kubaza Polisi irambwira ngo abishe umugabo wange irabafite yarabafashe, bati genda uruhuke. Nsubiyeyo barambwiye bati ngaba barafunzwe bari muri Muhoza.”

Murekatete ngo nyuma yasubiyeyo kureba niba bagifunze, abwirwa ko barekuwe atabizi.

Ati: "....Nyuma nsubira yo barambwira ngo barabafunguye mbaza umupolisi wari uhari nti ariko koko barabafunguye ? ati none se ni twebwe twabafunguye? Ata ariko icyo nzi ni uko abicanyi twari dufite babafunguye. Nti ese abicanyi barafungurwa? Ngo barafungurwa da ngo biterwa n’icyo baricyo biterwa n’umusanzu atanga muri Leta, ni uko ndumirwa ndahora.”

Umukuru w’Umudugudu yiciwemo ngo yamubwiye ko ari bo bamwishe ndetse n’isaha bamwiciye n’impamvu batamutabaye.

Ati: " Ndongera njya mu Mudugudu bamwiciyemo mbaza umukuru w’Umudugudu nti ese koko umugabo wange nibo bamwishe ati yego. Nti ese bamwishe ari saa ngahe, ati yahageze nka saa munani bamwica nka saa kumi . Nti ese uyu Mudugudu wanyu nta bantu babamo bo gutabara, ati se ingo z’abakire ugirango hari abantu bapfa kuzinjiramo, twarabibonaga tugahengereza ni uko tugataha.”


Murekatete yagejeje ikibazo cye kuri Ministiri arimo kurira


Minisitiri Kaboneka yamuhuje na Polisi ngo ikurikirane ikibazo cye

Iki kibazo uyu mudamu akimara kukibwira Minisitiri Kaboneka yahise amwereka umupolisi umufasha, gusa ngo akurikije amagambo yabwiriwe ku rukiko ngo nta cyizere ko azabona ubutabera kuko ngo yabwiwe ko uwamwiciye atahanwa kandi atanga umusoro mwinshi muri Leta.

Ati: "Ngo kuko atanga umusoro uhagije muri Leta ngo ntashobora gufungwa cyangwa kuburana. Nta n’ubwo babihisha uwabimbwiye simuzi ni abo mu rukiko, ntabwo ari umupilisi ni abo mu rukiko.”

Umuyobozi w’Akarere ka Musanze Musabyimana Jean Claude yabwiye Makuruki ko icyo kibazo kizwi kandi ko kiri mu nkiko gusa ngo aba bantu bakekwaho kwicira uyu mudamu ngo ntabwo barekuwe burundu, barafunguwe by’gateganyo bitaba bari hanze.

Uyu muyobozi avuga ko inkiko ziri gukora akazi kazo kandi ko nizisanga aba bantu ari bo bishe uyu mugabo bazahanwa. Avuga ko ibyo kuvuga ko uyu mugabo atahanwa kuko atanga umusoro yumva nta muntu wabivuga.

Ati : "Kuba badafunze ntibivuga ko abantu batabikurikinye, ikibazo ni uko yavuga ngo abantu ntabwo bigeze bakurikiranwa. Barakurikiranwe n’ubu dosiye ye iri mu rukiko bazabatumaho baburane. Kuba barabarekuye ntibabe bari muri gereza ni uko babonye kubakurikirana bari hanze nta kibazo”

Ibyo Murekatete avuga ko ngo yabwiwe ko uwamwiciye atahanwa kuko atanga umusoro mwishi, Meya yavuze ko bidashoboka.

Ati :”Oya! oya, ibyo ntibishoboka! ibyo hari umuntu wabimusubiza koko? n’ubu niba afite impungenge aze mujyane ku mushinjacyaha amubwire aho dosiye igeze rwose”

Yisangize Inshuti.

Ibitekerezo 45

  1. Birakaze peeee nuwibye ihene aburana afunze none uwishe umuntu NGO akurikiranywe ari hanze Mana we tabara u Rwanda naba nya Rwanda

  2. Ariko ubwo muranyumvira !!! ibi nanjye ndabigaye kwica umuntu kweli . ukarekurwa. icyo nishimiye .
    nuko ministre kaboneka.abizi birakemuka.

  3. Ibyo uyumubyeyi avuga ndabyemera 100/100 kuko uwomuntu yapfiriye mugipangu cyuwomukire kandiharavugwako hafunzwe abishe uwomukire ntahobigaragarako yafunzwe kukiwe atafashwe inzego zumutekano icyokibazo zigisubize naho meyawe ndumva yakwemera integenke kuko uwomuturage kugirango ageze ikibazo kuri ministries weyakiriye uwomuntu cyangwa yaba yaranasuye uwomuturage ngwamwerekeko bafatanyije mukababaro nkumuyoborwawe.banyarwanda dushyigikire muzehe wacu kuko mbonako icyokibazo Iyaba ariwebakigejejeho nuwomukire abayarafunzwe akabiryoza.

  4. Dore impamvu ituma musanze idatera imbere!Ibi ni ibiki koko?Umusoro uruta umuntu?aramutse ari ibyo abakire batumara kabisa

  5. ahàaaaàndabona bitoroshye nagato. umukire aba,afite byose bikenewe. niyo yahamwe nicyaha bazafunga abo barikumwe bamwica nabo bazafungwa igihe gito kko bakorana numukire, kndi ntakundi amafanga yaguze numwana uliya mumama niyihangane.

  6. 1 | 2 | 3 | 4 | 5

Tanga Igitekerezo