Abashinjacyaha bashya ba gisirikare basabwe kurangwa n’ikinyabupfura

1

Kuri uyu wa Kabiri Minisitiri w’intebe Murekezi Anastase yakiriye indahiro z’abashinjacyaha ba gisirikare baherutse kwemezwa n’inama y’abaminisitiri, abasaba gushyigikira disipuline y’igisirikare cy’u Rwanda

Abashinjacyaha barahiye ni abemejwe n’inama y’abaminisitiri yo kuwa 3 Gashyantare uyu mwaka wa 2017 aribo Cpt Ndayisaba Vincent, Cpt Kayitare Christian na Ltn Muhawenimana Claudine.

Minisitiri w’intebe Murekezi Anastase yababwiye ko indahiro bagiranye n’igihugu ari igihango bagiranye n’abanyarwanda bose, abasaba kutazagitatira.

Ati "Buriya indahiro iba ari ikintu gikomeye, ni igihango uyikoze aba agiranye n’uwo bagiranye iyo ndahiro. Iyi rero umuntu agiranye indahiro n’igihugu nk’iyi tumaze kubona aba agiranye indahiro n’abaturage bose natwe twese uko duteraniye aha.Iyo uyitatiye uba wishe igihango wagiranye n’abaturage. Ndabasaba mwebwe uko muri batatu n’abandi bose muzasanga mu kazi kutazigera mutatira iyi ndahiro.”

Minisiiri w’intebe yababwiye ko bahawe inshingano yo gukurikirana abantu bakoze ibintu byose bibyara icyaba baba ari abasirikare cyangwa ababikoranye n’abasirikare.

Ati "Inshingano y’ingenzi mu kazi kanyu ni ugukurikirana umuntu wese wakoze ibikorwa byagira icyaha yaba ari umusirikare cyangwa uwagikoranye n’umusirikare. Mu yandi magambo musabwa gushyigikira disipuline abanyarwanda babaziho ndetse n’Isi yose. Igisirikare cy’u Rwanda kizwiho kugira disipuline.”


Abashinjacyaha ba gisirikare barahiye

Minisitiri w’intebe Murekezi yasabye aba bashinjacyaha guhora bihugura bakamenya amategeko agezweho, ayavuyeho ndetse n’impamvu yabyo.

Yabasabye kandi kugira intego yo gukoresha ikoranabuhanga kuko rizabafasha kwihutisha akazi ariko kandi ngo rizabafasha abanyabayaha babikora bakoresheje ikoranabuhanga ngo kuko aribyo bigezweho.

Yisangize Inshuti.

Ibitekerezo 1

Tanga Igitekerezo