Kwamamaza

UBUTABERA

Muhanga: Mbere yo gusezerana mu Murenge babanza kujya ku ntebe y’ishuri

Yanditswe

kuya

na

Arsene Muvunyi
Muhanga: Mbere yo gusezerana mu Murenge babanza kujya ku ntebe y’ishuri

Ubuyobozi bw’Akarere ka Muhanga buravuga ko bwafashe umwanzuro wo kubanza guha amasomo atandukanye abantu bashaka gusezerana kubana imbere y’amategeko mu rwego rwo kubaka umuryango uhamye.

Muri iyi minsi hakunze kumvikana amakimbirane hagati y’abashakanye ndetse no gutandukana kwa hato na hato, bamwe bapfa imitungo, ugucana inyuma, hakaba n’abavuga ko ihame ry’uburinganire ryumvikanye nabi rigateza amakimbirane mu bashakanye.

Umuyobozi w’Akarere ka Muhanga Uwamariya Beatrice avuga ko bidakwiye ko urugo ruhoramo intonganya cyangwa se amakimbirane akenshi aherekezwa no gutandukana kuko bigira ingaruka kuri bo ndetse no kubana babayaye.

Ni muri urwo rwego umuyobozi w’Akarere ka Muhanga Uwamariya Beatrice avuga ko bo bafashe ingamba zo kubanza kwigisha abagiye gusezerana, ibijyanye n’amategeko agenga umuryango kugira ngo bubake bazi ibyo ari byo.

Yagiz ati “ ntabwo gushyingira bikiri umuhango, mwabonye ko mu madini bajya kwiga inyigisho z’umubano, mbere wasangaga baza nyuma y’iminota 15, 30 umunyabanga nshingwabikorwa akaba arabasezeranyije, ariko ubu mu karere kacu twababwiye ko bafata igihe bakigisha abantu mbere y’uko babashyingira, umunsi wo gushyingira baze ari ukumanika akaboko gusa.”

Meya Uwamariya Beatrice yongeyeho ko izo nyigisho zitangwa mu bice bitandukanye by’imibanire y’abaturage, birimo ubuzima bw’imyiororokere, uburenganzira bw’abana, itegeko ry’umuryango n’abantu

Yagize ati: “abanyamabanga nshingwabikorwa b’imirenge twababwiye y’uko babanza bakabaha impamba yo kubaka urugo ishoboka, umuganga akaza akabigisha ubuzima bw’imyororokere,akababwira uburyo bwo kuboneza urubyaro, uburyo bwo kurera umwana, indyo yuzuye, bakababwira uburenganzira bw’abana, bakababwira iryo tegeko ry’umuryango tuvuga uyu munsi, abagiye gushyingirwa bagomba kurihabwa kugira ngo bamenye uko umuryango uba uteye.”

Umugoroba w’ababyeyi ni imwe muri gahunbnda za Leta akarere ka Muhanga kavuga ko kifashisha mu guhangana n’ihohoterwa rikorerwa mu ngo, ahanini riterwa no kudasobanukirwa ihame ry’uburinanire n’ubwuzuzanye hagati y’abashakanye.

IBITEKEREZO

  • Ruzindana Yanditse:

    Andika Igitekerezo Hano

    Nibyo rwose ibyo Mayor wa Muhanga avuze nibyo. ba gitifu barabyubahiriza ndetse no ku munsi wo gushyingira bakabibibutsa. biba ari byiza pe

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza