Me Evode Uwizeyimana yakemanze ubunyamwuga bw’iyahoze ari CID

1

Me Evode Uwizeyimana umaze igihe gito ari Umunyamabanga wa leta muri Minisiteri y’Ubutabera ushinzwe itegeko Nshinga n’andi mategeko. yabwiye abadepite ko hari ingero zagiye zigaragaza ubunyamwuga buke mu buryo Ishami ry’ubugenzacyaha muri Polisi y’u Rwanda (CID risanzwe ryakoragamo iperereza.

Ni nyuma yuko Guverinoma yemeje ishyirwaho ry’Urwego rw’Igihugu rw’Iperereza (Rwanda Investigation Bureau, RIB) naho ishuri ryitwaga Rwanda National Police Academy rihinduka ishuri ry’iyubahirizwa ry’amategeko, Rwanda Law Enforcement Academy mu rwego rwo gukarishya ubunyamwuga mu kugenza ibyaha.

Kuri uyu wa Mbere tariki 14 Ugushyingo 2016, Abadepite mu Nteko Ishinga Amategeko y’u Rwanda batoye Umushinga w’itegeko rishyiraho Urwego rw’Igihugu rushizwe Iperereza (RIB) rikagena inshingano, ububasha, imiterere n’imikorere yarwo.

Mu gusobanura ubukana bw’uyu mushinga, umudepite yabajije niba mu rwego( RIB) isimbuye haragaragaye ikibazo cy’ubunyamwuga ku buryo bazana urwego rwo kubukarishya.

Me Evode atangaza ko uru rwego ruzaba rukorwamo n’inzobere mu nzego zitandukanye ufite ubumenyi bwihariye ariko butagusaba kuba uri umupolisi cyane ko avuga ko kuba umuntu yambaye umwenda wa Polisi bitavuze ko afite ubumenyi bwose.

Mu gusubiza icyo kibazo yavuze ko nubwo inzego zigenda ziyubaka ndetse zinavugururwa ariko hagiye haboneka amadosiye akozwe nabi.

Yagize ati “Twabonaga n’amadosiye akozwe nabi.Bibaho ko idosiye yashoboraga kuva muri CID ikozwe nabi n’umushinjacyaha kugirango azayiburane mu rukiko bikaba byanamugora bitewe nuko iperereza ry’ibanze habayeho kurangara cyangwa se ibimenyetso bimwe na bimwe bikazimira”.

Me Uwizeyimana avuga ko hari ingero nyinshi zagiye ziboneka nkaho umugore cyangwa umwangavu wafashwe ku ngufu ajyanwa kwa muganga nyuma y’amezi atatu icyaha kibaye.

Yagize ati “Noneho tukibaza tuti nyuma y’amezi atatu icyo cyaha kibaye, nta risk(ingorane) y’ibimenyetso bishobora gusibangana cyangwa se uwa nyuma wamuherutse wamenya ari nde ?”.

Me Evode akaba yavuze ko ibyo bintu byose bitarimo ubunyamwuga ndetse ahenshi hari aho ibimenyetso byagendaga bibura bigatuma hari abantu barekurwa.

Yakomeje agira ati “Ibi bintu byose ni ibyagiye biba, mbona bitarimo ubunyamwuga ,ni urugero rumwe natanze uburyo ibimenyetso bigenda bibura kandi ku madosiye agaragara …rimwe na rimwe umuntu ukumva yarekuwe n’urukiko”.

Yatanze urundi rugero kandi nk’aho bakekaga umuntu bakamurekura agakomeza yikorera akazi kandi hafashwe umuyobora cyangwa uwo ayobora maze nka nyuma y’amezi atandatuundi nawe akaba atawe muri yombi kandi icaha bashinjwa ari kimwe.

Aha yavuze ko bitumvikana uburyo ufata umuntu kandi uwo baregwa mu rubanza rumwe waramufashe mbere y’amezi atandatu,ati “ Akababeshya ngo nzakorana n’inzego zishinzwe iperereza, akaba nka cya gisambo kibabeshya ngo inka zanyuze ahangaha kandi kizi ko zanyuze ahandi, hari igihe wa muntu wereka abandi aho abajura banyuze ahubwo ariwe mujura”.

Yatunze urutoki kandi no ku madosiye mpuzamahanga aho hari abantu bajyaga batangirwa impapuro zo kubafata ariko bitewe nuko yakozwe nabi ugasanga igihugu arimo cyanze kumutanga kubera uko akoze cyangwa uburyo amaperereza yakozwe.

Ati “Nibaza ko ikintu kijyanye n’ubunyamwuga muri RIB kizigaragaza cyane, ku bijyanye n’ubushobozi izadufasha”.

Mu bindi uru rwego ruzongeramo ubunyamwuga avuga ko hari ibindi byaha biri kugenda bivuka birimo nk’ibyikoranabuhanga, ndetse n’ibindi usanga ibihugu bitumvikanaho harimo nk’ibyaha by’iterabwoba, gufata abantu bugwate, gucuruza abantu n’ibindi.

@Eric Birori

Yisangize Inshuti.

Ibitekerezo 1

  1. None se kuki ayo madosiye wita ko akozwe nabi asjongirwajo umuntu agakatirwa Burundu?
    Abacamanza nabo babuze ubunyamwuga

Tanga Igitekerezo