Nta ndaya n’inzoga bizinjira muri hoteli ya ADEPR ku Gisozi

11

Ubuyobozi bw’Itorero ADEPR bwatangaje ko mu gihe hoteli yabo izaba yuzuye ku Gisozi mu mujyi wa Kigali, ngo nta nzoga cyangwa indaya bizayigeramo nkuko bikunze kugaragara mu yandi mahoteli.

Ubusanzwe hoteli igaragaramo ibintu byinshi bifasha abayigana kwishima no kuruhuka.

Muri ibyo habamo ibinyobwa bitandukanye birimo n’ibisembuye, ndetse hari n’ahaba hari abakobwa bashinzwe gufata neza abakiliya (by’umwuihariko abakiliya b’abagabo).

Mu Itorero ry’umwuka ADEPR ho siko bimeze, ngo nkuko batajya bemera ubusambanyi cyangwa ibisindisha, no muri hoteli yabo ngo ntibizageramo.

Mu gitondo cyo kuri uyu wa Kane taliki ya 18 kanama 2016, ubwo ubuyobozi bwa ADPR bwatangirga igikorwa cyo kugenzura aho imirimo yo gusoza hoteli igeze, Umuvugizi w’iryo torero Rev Past Sibomana Jean yagize ati :“Ntabwo muri hoteli yacu hazaba hari inzoga cyangwa indaya, ntabwo biri mu myemerere yacu.”

Umuvugizi wa ADEPR akomeza avuga ko n’ikindi cyose kiziririjwe muri ADEPR kitazagaragara muri iyo hoteli.


Hari abakoze kuri iyi hoteli batarishyurwa

Nubwo ubuyobozi bw’iri torero bwishimira igikorwa cy’indashyikirwa bwagezeho, hari abaturage bayikozeho imirimo itandukanye ndetse n’abakopye iri torero ibikoresho ubwo imirimo yo kuyubaka yatangiraga, bavuga ko kugeza ubu batarahabwa amafaranga yabo.

Benshi muri bo ni abafite aho bahuriye n’iri torero bakaba badashaka ko bamenyekana.

Umwe muri bo yagize ati:” Rwose ni byiza, iki ni igikorwa cy’indashyikirwa pe! Natwe turishimye ko tukigezeho, ariko nibakore uko bashoboye batwishyure amafaranga yacu baturimo kubera imirimo twahakoze mu byiciro bitandukanye.”

Rev Past Jean Sibomana nawe yemera ko hari abantu kugeza ubu batarishyurwa koko, ariko akavuga ko byatewe n’impamvu zitandukanye.

Yagize ati: " Ibyo ntabwo byabura abavuga ibyo bashaka kudusebya kubera ibyo tumaze kugeraho ni benshi. Ntabwo wavuga ko iyi nyubako yagera aha nta muntu dufitiye ideni, barahari koko ariko nibihangane twe ikibazo turakizi kandi tuzanagikemura vuba kuko abenshi muri bo twamaze kubishyura nubwo habayeho gutinda.”

Iyi hoteli izuzura itwaye amafaranga y’u Rwanda arenga miliyari eshanu y’Amanyarwanda yose yaturutse mu bakristu .Biteganyijwe ko uyu mwaka uzashira yaratashywe ku mugaragaro.

Dore Amafoto y’iyi hoteli

Yisangize Inshuti.

Ibitekerezo 11

  1. Imana dusenga tuyiringiraho byinshi
    Ntampanvu yo kuvuga ko hotel izahombywa nuko itakiriye indaya ninzoga
    ubundi twe nkitorero dukora ibyo tuyobowemo numwuka wera ntampanvu rero yo gutanga ingero ngo karongi na za musanze barahombye.
    izo ndaya nizitsindwe mwizina rya YESU!

  2. ntago inzoga cyangwa indaya aribyo bituma hotel itera imbere ubuyobozi bwiza abakozi babahanga kwakira na urugwiro aba client nibyo byingenze twese ntitu nwa inzoga cyangwa ngo dukenere indaya IMANA ISUMBA BYOSE .kandi amasengesho tuyongere turwa nye satan naba dayi moni

  3. babanze bigire kizindi hotel uko zikora, nibashaka gukumira abantu bazahita bahomba kereste niba bayubakiye abakristo ba ADPR gusa, kandi nzi neza ko abajya muri hoteli ari mbarwa.

  4. ADEPR KIMIRONKO PARUWASI KABWEJA TWAMAGANYE INZOGA MURIHOTERIYACU MWIZINA RYA YESU

  5. Reka reka ntabwo yatera umutaru itarimo akabari!!bazabaze eglise presbyterienne i Bethanie i karongi!! Byarangiye bemeye kuzishyiramo bahindura izina.erega idini ntiricuruza!! Nnimbwirize ubutumwa ibindi mubireke

  6. aba barahombye bidateye kabiri.bazabaZe ibyabaye kuri EAR musanze byarangiye ISHEMA hotel yabo bayigurishije,aya mafaranga basabye abakristo babo ku gahato bayapfushije ubusa muazambwira igihe bazaba basubiranyemo bamaze guhomba.

  7. Andika Igitekerezo Hano Ade.p.r irakora cyane ahubwo Imana ikomeze ihe imigisha myinshi Abachristo bi ryotorero ndetse nandi Amadini Abigireho.

  8. Andika Igitekerezo Hano Ade.p.r irakora cyane ahubwo Imana ikomeze ihe imigisha myinshi Abachristo bi ryotorero ndetse nandi Amadini Abigireho.

  9. Iyo hoteli se idashobora gucuruza inzoga wagize ngo yamara kabiri itarafunga imiryango! Keretse nibayihinduramo urusengero wenda

  10. 1 | 2

Tanga Igitekerezo