Gasabo: Umwana w’imyaka 13 yasambanyijwe n’abagabo batatu banamutera inda

6

Umwana w’umukobwa uri hagati y’imyaka 13 na 15 y’amavuko utuye mu karere ka Gasabo, aravuga ko yasambanyijwe n’abagabo batatu barimo n’uwari Sebuja bikaza kumuviramo no gutwara inda kugeza n’ubu atazi nyirayo.

Uyu mwana w’umukobwa twise Nyiraneza kubera impamvu z’umutekano we, biragoye kumenya imyaka ye nyakuri kuko nta cyangombwa na kimwe afite ndetse n’umubyeyi we akaba ajijinganya ku gihe yavukiye.

Avuga ko yari umuyaya mu rugo narwo ruri muri aka karere ariko akaza gufatwa ku ngufu n’uwari Sebuja maze ngo abibwiye umugore we amusubiza ko agomba kubyihanganira kuko ngo umugabo we ari ko yabaye, bityo ngo uyu mugabo akomeza kubigira akamenyero kugeza n’aho Nyiraneza abirambiwe akagenda.

Agira ati “Umuntu wanteye inda afite umugore n’abana n’imodoka, yarambwiye ngo ni njye kwanika ibintu by’abana ansanga mu cyumba afunga urugi hanyuma arambwira ngo nimvuga umunwa wanjye arawushyiraho super glue, ndaceceka. Arangije mpita njya kubibwira umugore we arambwira ngo ninihangane ngo umugabo we ni ko ateye.”

Nyiraneza kandi avuga ko uwo Sebuja yamusambanyije inshuro nyinshi atabara, byatumye ngo abirambirwa maze agahitamo kuva muri urwo rugo

Yagize ati “Yansambanyije inshuro nyinshi sinazibara, yasibaga umunsi umwe ubundi akansambanya, nabonye mbirambiwe akazi mpita nkareka.”

Uyu mwana ngo akimara kureka akazi kubera gusambanywa na Sebuja, ngo yaje gutaha asubira iwabo ariko nyuma aza guhura n’undi mugabo aramutwara amugira umugore baza gutandukana ari na bwo yahitaga ahura n’undi mugabo wa gatatu nawe babanye bagatandukana agiye kubyara.

Uyu mubyeyi avuga ko wa mugabo wamutwaye amaze kuva aho yakoraga, ngo yaje kongera kumugarukira amwitaho mu gihe yari yarabyaye kugeza ubu akaba ari nawe babanaga, gusa ngo akaba yarafashwe n’inzego z’umutekano ku bufatanye n’umuryango uharanira uburenganzira bwa muntu CLADO, abandi ngo bakaba bagishakishwa.

Muri aba bagabo bose uko ari batatu, Nyiraneza avuga ko atazi se w’umwana afite umaze kuzuza amezi 7 n’ubwo hari uwamwitayeho ajya kubyara.

Perezida w’impuzamiryango iharanira Uburenganzirwa bwa muntu CLADO Senyange Jean Leonard, avuga ko kubona umwana w’umukobwa nk’uyu akorerwa amarorerwa kandi abantu bose babizi ngo harimo uburangare bw’abayobozi b’inzego z’ibanze .

Yagize ati “Ikigaragara ni uko abayobozi b’inzego z’ibanze barebera, ntago umuntu yatwara inda afite imyaka 13,14, umukuru w’umudugudu aba abizi yewe n’umukuru w’akagari aba abizi, rero inzego z’ibanze zikwiye kureka kujenjeka.”

Kugeza ubu uyu mwana ari gufashwa kwandikisha umwana we, ndetse no gusuzumwa ko nta ndwara yatewe n’abamusambanyije.

Yisangize Inshuti.

Ibitekerezo 6

  1. Zodiac se wasomye neza?
    Hananditse ko uriya mugabo wakabiri wamwitayeho agiye kubyara yamaze gutabwa muriyombi abandi 2 bakaba bashakishwa,ubuse ntagikorwa koko!!!
    Namwe murakabya

  2. Ese kuki batareba abaganga bamubyaje. Igihe umwana yavukiye bakuremo amezi 9 baramenya igihe yasamiye nawe yibuke uwamusambanije icyo gihe. Ababyeyi be bahari batanga amakuru afatika, abaturanyi nabo. Abayobozi bo ntacyo babona kuko umudugudu ni munini kandi banga kwiteranya. so, abaganga,ababyeyi, abaturanyi

  3. ndumva mwahiga abo bagabo bagafungwa burundu kuko bahohoteye uwo mwana kandi mukabwira abo bayobozi bakajya bitakuburenganzira bwumwana murakoze

  4. Ariko koko ngo ubufasha ahabwa niukureba ko yandujwe indwara no kwandikisha umwana!!!??!?? Ubwo koko ni ubufasha? Abantu barahari babikoze,DNA zisobanura byose,ariko ngo kwandikisha umwana no gusuzuma umubyeyi indwara!!!!? Birababaje.Ababikora ni abashinyaguzi kuko ibyo kubivuga ntacyo bimaze.Ahubwo hari urundi rwego byageraho ukuri kukamenyekana noneho hakagira igikorwa professionarly.

Tanga Igitekerezo