Amafaranga yasanzwe mu nzu ya Berinkindi yahawe abo yiciye ababo muri Jenoside nk’indishyi

2

Umwe mu bahawe indishyi ashimira umunyamategeko Colan Hjalmarsson

Claver Berinkindi wahamijwe ibyaha bya jenoside yakorewe abatutsi mu Rwanda n’urukiko rwo mu gihugu cya Suwede , akaza gukatirwa igifungo cya burundu abo yakoreye ibyaha bahawe indishyi y’akababaro.

Claver Berinkindi yahamijwe ibyaha bya jenoside mu 1994 yakoreye mu cyahoze ari komine Muyira, ubu ni mu ntara y’amajyepfo i Nyanza.

Mu 2002 yaje guhabwa ubuhungiro muri Suede, nyuma aza gufatwa araburanishwa muri icyo gihugu mu 2016 akatirwa igifungo cya burundu.

Abantu batandatu bo mu miryango ifite abayo baguye mu bitero byo kwica abatutsi Berinkindi yari ayoboye bahawe indishyi z’akababaro.

Colan Hjalmarsson umunyasuwede wunganiraga iyi miryango mu mategeko yavuze ko aya mafaranga bahawe ari ayasanzwe mu nzu Berinkindi yari atuyemo mu gihugu cya Suwede inkiko zo muri iki gihugu zikaba zarafashe umwanzuro wo kuyafatira agatangwamo impozamarira.

Abahawe aya mafaranga batangaje ko nubwo nta kiguzi cy’ababo bishwe ariko ngo bishimiye ko nibura uwabahemukiye yabiryojwe.

Rusagara Anaclet, umwe mu bahawe indishyi ati"Birashimishije kubera ko ubutabera bw’igihugu cyacu budukurikiranira abaduhemukiye. Icyo bampaye cyose kiranshimishije kandi ikirenzeho nuko abagize nabi bahanwe".

yakomeje asaba n’ibindi bihugu ko byagera ikirenge mu cya Suwede mu gukurikirana abasize bakoze Jenoside bakaba bakidegembya muri byo bihugu,

Visi Perezida wa mbere wa Ibuka Egide Nkuranga yavuze ko nubwo ari ubwa mbere abacitse ku icumu bahawe indishyi zivuye mu manza zo hanze , bishimishije ariko kandi ngo indishyi ya mbere si amafaranga ahubwo ni ubutabera.

Yagize ati"icya mbere dukurikirana ni ubutabera kuko indishyi ni ku mutima. Kumva ko abakoze icyaha bahanwe bakanemera ko bakoze icyo cyaha".

Yakomeje ibindi bihugu birimo nk’Ubufaransa ,Ububiligi n’ibindi bigicumbikiye abakoze jenoside ko bikwiye gukurikira urugero rwa Suwede abo bose basize bakoze jenoside mu Rwanda bagafatwa bakabiryozwa.

Umwe mu bahawe indishyi yabwiye Makuruki ko bamuhaye miliyoni n’ibihumbi 300 by’amanyarwanda.


Bafite ababo bihswe na Berinkindi basinyira indishyi bahawe

Rusagara Anaclet, umwe mu bahawe indishyi

Abahawe indishyi bishimira ko nibura babonye ubutabera nubwo babuze ababo
Nshungu Raoul

Yisangize Inshuti.

Ibitekerezo 2

Tanga Igitekerezo