Kwamamaza

UBUTABERA

Busingye arifuza ko uzajya urya ibya Leta, bizakurikirana n’urubyaro rwe

Yanditswe

kuya

na

Alexis Musabirema
Busingye arifuza ko uzajya urya ibya Leta, bizakurikirana n’urubyaro rwe

Minisitiri w’ubutabera akaba n’Intumwa Nkuru ya leta Johnston Busingye yabwiye abajyanama mu by’amategeko mu bigo bya leta ko icyaha cyo kunyereza imitungo ya leta kidakwiye kuba gatozi kandi ko n’abatoroka igihugu leta izakomeza guhangana nabo bakagaruka bakabazwa ibyo bariye.

Ibi Minisitiri Busingye yabivuze kuri uyu wa Kane mu nama yagiranye n’abajyana mu by’amategeko mu bigo bya leta basuzumira hamwe uko imitungo ya leta inyerezwa yagarurwa.

Muri iyi nama aba bajyana bagaragaje zimwe mu mbogamizi z’abantu banyereza cyangwa bakiba ibya leta bagatoroka kandi nta mitungo bafite mu gihugu ndetse nta n’imiryango bahafite bityo bigatuma ibyo banyereje bitabona inyishyu igihe batsinzwe imanza.

Minisitiri Businge yavuze ko iki cyaha cyo kunyereza imitungo bakwiye kubyigaho ntikibe gatozi kuburyo n’abakomoka kuri nyir’ukugikora kandi na nyir’ubwite igihe cyose aziye akakibazwa.

Yagize ati "Muzibuke cyane, ninibagirwa muzanyibutse. Ubusaze bw’imyenda dukwiye kubuvanaho niba ufite umwenda uzawugire n’umwuzukuru awugire, n’umwuzukuruza wawe awugire umwenda ugumeho. Kuko ntabwo uzajya wiba ngo ugende ujye muri Nyungwe ngo wicecekere imyaka ibiri hanyuma nyuma y’imyaka ibiri ugende uge muri kaburimbo widegembye, bati ese ko bagukatiye igifungo cy’amezi atandatu uti cyarashaje! Igifungo gisaza gite wari uri muri Nyungwe? Igifungo cyasaza gite waragiye muri Congo, waragiye i Burundi waragiye i Bugande ukaburirayo?”

Aha kandi niho Minisitiri Busingye yahise abwira aba bajyanama ko badakwiye guterwa impungenge n’abantu biba leta bagahita batoroka bakajya hanze y’igihugu kuko ngo nta wajya hanze ngo aburirwe irengero burundu.

Ati "Abantu bakinisha gutoroka bakajya hanze y’igihugu! uko bucya bukira iyi si irarushaho kuba ntoya murabibona cyangwa nti mubibona? Ubu haracyari umuntu wihisha akabura burundu? Ntibikibaho. Aragenda akagera ahantu agashinga ishyaka rya politike bamubwira ati wajyanye iby’abandi ati ni ukuri ni uko mfite ishyaka baranziza impamvu za politike. Tuzahangana na we nyuma imyaka 12 cyangwa 15 uzamubona ageze i Kanombe hano.”


Minisitiri Busingye yabwiye aba banyamategeko gushyira mu bikorwa ububasha bahabwa n’amategeko kuko nta muntu uri hejuru yayo.

Minisitiri Busingye yasabye aba bajyana mu by’amategeko ko badacika intege ahubwo bagakora amadosiye bakayishyikiriza inzego zibishinzwe zirimo polisi y’igihugu ndetse na polisi mpuzamahanga.

Kugeza ubu leta ibarura umwenda ungana n’amafaranga y’u Rwanda miliyari 1 na miliyoni magana atandatu(1 600 000 000 frw), mu gihe cy’umwaka umwe hamaze kugaruzwa akabakaba miliyoni 400 z’amafaranga y’u Rwanda. Muri aya harimo 13 640 188 amaze kwishyurwa bidaciye mu manza.

Minisitiri yashimiye abantu bibonye ku rutonde rwa’abantu barimo imyenda leta bakaza kwishyura ku mahoro bidaciye mu manza, asaba n’abandi kuyoboka inzira kuko imyanzuro igiye kubafatirwa bakishyura biciye mu mategeko.

IBITEKEREZO

  • gft Yanditse:

    Ariko se uyu si mperuka ari umunyamategeko? kuba umuntu yanyereza imitungo yareta bigakomeza no kubamukomokaho ntaho byabaye! icyaha ni gato
    zi muyobozi!

  • Jogo Yanditse:

    Mubyukuri abarya imitungo ya Leta bagomba kubiryozwa ariko na none icyaha ni gatozi kuko ntaburyo Umubyeyi ukubyara yarya ibyareta hama wewe no mugihe utatuzi ubwenge ngo ubiryozwe uwatora iryo tegeko yaba yihuse cyane birashoboka ko Minister yaba yabibuze afite uburakare ariko ndubwirako hazaba ho gushungura kuko Victims zaba nyinshi!

  • Jogo Yanditse:

    Mubyukuri abarya imitungo ya Leta bagomba kubiryozwa ariko na none icyaha ni gatozi kuko ntaburyo Umubyeyi ukubyara yarya ibyareta hama wewe no mugihe utatuzi ubwenge ngo ubiryozwe uwatora iryo tegeko yaba yihuse cyane birashoboka ko Minister yaba yabibuze afite uburakare ariko ndubwirako hazaba ho gushungura kuko Victims zaba nyinshi!

  • Emmanuel Yanditse:

    Komerezaho wenda abadusubizinyuma bazacika intege. Witonde kandi kuko abakora ibyo ari ibifi binini batazakumira.

Tanga igitekerezo


Kwamamaza Car Free Day/ 18/02/2018
INKURU ZAMAMAZA 10-08-2018

ITANGAZO RYA CYAMUNARA

Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza