Serivise zaje ku isonga mu kuzamura ubukungu bw’u Rwanda muri 2016

1

Minisitiri w’Imari n’Igenamigambi, Amb Gatete Claver

Minisiteri y’Imari n’igenamigambi ifatanyije n’ikigo cy’igihugu cy’ibarurishamibare bashyize ahagaragara imibare igaragaza uburyo umusaruro mbumbe w’igihugu mu mwaka wa 2016 wazamutseho 5.9 %, mu gihe byari byitezwe ku uzazamuka kuri 6 %.

Umwaka ushize wa 2016, umusaruro mbumbe w’igihugu wabaye miliyari 6,618 Frw, uvuye kuri miliyari 5,956 Frw mu mwaka wari wabanje.

Kuri uwo musaruro wose, urwego rwa serivisi rufitemo uruhare rwa 48 %, ubuhinzi bufitemo 30 %, urwego rw’inganda rugera kuri 17 % ruvuye kuri 14 mu mwaka wabanje.

Minisitiri w’imari n’igenamigambi Gatete Claver yavuze ko nubwo intego u Rwanda rwari rwihaye itagezweho ijana ku ijana, ngo nta mpungenge biteye kuko n’ubundi ibipimo bigaragaza ko ubukungu bwazamutse.

Yagize ati “Twateganyaga ko ubukungu bwacu buzamuka 6%, ariko burya iyo mumaze gukora igenamigambi hari ibintu bigenda bihinduka mu bukungu, kimwe ni ririya zuba twabonye tutatekerezaga ko rizangana kuriya n’ibindi byagiye bihinduka, ariko nubundi biri hafi kungana n’igenamigambi twari twakoze.”

Muri uyu mwaka kandi, hagaragajwe ko urwego rw’inganda rwazamutse ku kigero cya 3 %, ubuhinzi buzamuka ku kigero cya 4 %,urwego rwa serivise ruzamuka ku kigero cya 7 %, urwego rw’ubwubatsi ruzamuka 5 % naho urwego rwa serivisi ruzamuka kuri 11 %.

Urwego rwa serivisi rwazamuwe cyane cyane n’inama mpuzamahanga u Rwanda rwakiriye.

Izamuka ry’urwego rw’ubuhinzi ryabaye ryiza mu gihembwe cya mbere, icya kabiri n’icya gatatu ariko biba bibi mu gihembwe cya kane kubera amapfa n’imyuzure byangije imyaka.

Kuzamuka k’urwego rw’inganda ngo byatewe na gahunda ya Leta yo kugabanya ibitumizwa mu mahanga, hagatezwa imbere ibikorerwa mu gihugu, aho inganda ziyongereye cyane izikora imyenda n’ibiva mu mpu ndetse n’izitunganya ibiribwa.

Yisangize Inshuti.

Ibitekerezo 1

Tanga Igitekerezo