Warning: imagejpeg(local/cache-vignettes/L463xH309/arton14866-b26c0.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Ubukungu bushingiye ku nganda muri EAC ntibukiri inzozi- Minisitiri w’Intebe Murekezi .|. Makuruki.rw | Amakuru Asesenguye!

Ubukungu bushingiye ku nganda muri EAC ntibukiri inzozi- Minisitiri w’Intebe Murekezi

Minisitiri w’intebe Anastase Murekezi yasabye abarebwa n’inzego z’inganda mu bihugu bya Afurika y’iburasirazuba gushyira hamwe bakazamura inganda muri ibi bihugu.

Iyi nama ibaye ku nshuro ya kabiri yatangiye I Kigali, yitabiriwe n’abanyenganda ndetse n’abandi bari mu nzego z’inganda mu bihugu bya Afurika y’uburasirazuba.

Minisitiri Kanimba Francois,Minisitiri w’ubucuruzi n’inganda n’ibikorwa by’umuryango wa Afurika y’uburasirazuba. Yabwiye abitabiriye iyi nama ko urwego rw’inganda mu Rwanda rukiri hasi ariko kandi ababwira ko gushyigikira ibikorerwa imbere mu gihugu ari imwe muri gahunda leta y’u Rwanda yashyizeho mu guteza imbere inganda z’imbere mu gihugu.

Kanimba yavuze ko Made in Rwanda ari gahunda izakomeza gushyirwamo ingufu no kunozwa neza ndetse ko ibikorerwa mu Rwanda bizakomeza kongererwa ubuziranenge.

Atangiza iyi nama , Minisitiri w’intebe Murekezi Anastase yavuze ko iterambere riciye mu nganda muri Afurika y’uburasirazuba ritakiri inzozi.

Ati :”Kuzamura ubukungu biciye mu nganda kuri Afurika y’uburasirazuba ntibikira inzozi byahindutse ukuri … dukwiye guha agaciro amasoko y’imbere muri Afurika biciye mu buhahirane muri Afurka.”

Minisitiri w’intebe Murekezi yavuze ko gukorera hamwe ariyo nzira izafasha inganda kuzamuka.

Ati :”Tugomba gukomeza gukorera hamwe nk’ikipe imwe kugirango dushyire mu bikorwa gahunda twiyemeje zizafasha urwego rw’inganda. Ndasaba abitabiriye iyi kuganira uko inzego z’abikorera ku giti cyabo zafasha kuzamura inzego z’inganda. “

Lilian Awinja ukuriye inama y’ubucuruzi mu bihugu bya Afurika y’uburasirazuba yavuze ko inama batangiye I Kigali bazibanda ku kureba uko bazamura uru rwego rw’inganda muri Afurika y’Uburasirazuba.

Lilliane kandi yavuze ko inzego z’abikorera muri Afuruka y’uburasirazuba zirajwe ishinga no gukorana na za leta zabo kugirango bagera ku ntego bifuza.

Iyi nama y’abanyenganda yabereye I Kigali ni ku nshuro ya kabiri iteranye ikaba ifite intego yo kuzamura urwego rw’inganda mu bihugu bya Afurika y’uburasirazuba mu rwego rwo kugera ku ntego biyemeje zo kugabanya ibitumizwa mu mahanga bakazamura ibikorerwa imbere mu bihugu byabo.

Yisangize Inshuti.

Ibitekerezo

Tanga Igitekerezo