Imishahara y’abarimu, kimwe mu bizongera ingengo y’imari ya 2017/2018

7

Minisitiri Gatete asobanurira abadepite ibyijyanye n’ingengo y’imari 2017/20178

Minisiteri y’Imari n’Igenamigambi yagaragaje ko ingengo y’imari u Rwanda ruzifashisha mu mwaka 2017/2018 yiyongereye ugeraranyije n’umwaka 2016/2017.

Byatangajwe na Minisitiri w’Imari n’igenamigambi Amb Gatete Claver ubwo yagezaga ku Nteko Ishinga Amategeko imitwe yombi imbanzirizamushinga y’ingengo y’imari izifashishwa mu mwaka wa 2017/2018.

Muri rusange Minisitiri Gatete yavuze ko u Rwanda ruteganya gukoresha ingengo y’imari ingana na miliyari 2 094 Frw, zivuye kuri miliyari 1,186.3 yifashishijwe mu mwaka 2016/2017.Ni ukuvuga ko hiyongereyeho amafaranga miliyari 130.5 Frw.

Muri yo, Miliyari 1,122.9 azakoreshwa mu ngengo y’imari isanzwe , miliyari 774 akoreshwe mu mishinga y’iterambere, naho miliyari 159.1 akoreshwe mu bikorwa by’ishoramari rya Leta.

Uko bigaragara, amafaranga y’ingengo y’imari isanzwe yiyongereyeho miliyari zigera kuri 11 ugereranyije y’ayari yakoreshejwe uyu mwaka.

Minisitiri Gatete yavuze ko impamvu y’izamuka ry’ingengo y’imari isanzwe , byatewe n’izamuka ry’imishara y’abakozi yatewe na sitati y’abarimu na bimwe mu bigo bya Leta.

Mu Ugushyingo umwaka ushize nibwo hagiyeho sitati yihariye y’abarimu.Muri iyo sitati bigaragara ko umwarimu azajya azamurwa mu ntera ari nako umushahara we wiyongera.

Nkuko Minisitiri Gatete yabitangaje, amafaranga y’ingengo y’imari azagabanywa mu byiciro bitanu by’ingenzi bigamije kubaka iterambere ry’igihugu, hagendewe kuri gahunda y’imbaturabukungu ya II (EDPRS II).

Icyiciro cya mbere gikubiyemo gahunda z’ingenzi zigamije guteza imbere ubukungu, icyiciro cya kabiri gikubiyemo gahunda zigamije guteza imbere icyaro (Rural Development), kikazahabwa agera kuri Miliyari 328.6, Icyiciro cya gatatu kigamije guteza imbere umusaruro no guhanga akazi ku rubyiruko cyagenewe amafaranga agera kuri Miliyari 131.2, Icyiciro cya kane kigamije guteza imbere imiyoborere myiza, kikaba cyaragenewe agera kuri Miliyari 229.9 naho icyiciro cya gatanu gikubiyemo Ingamba z’ingenzi zunganira ibikorwa by’iterambere, kikaba cyaragenewe amafaranga agera kuri Miliyari 972.6.

Mu ngengo y’imari yose, miliyari 1,316.8 zizava imbere mu gihugu, bivuze ko haziyongeraho miliyari 130.5 ku yari yavuye imbere mu gihugu mu ngengo y’imari ishize, ni ukuvuga 83% by’ingengo y’imari ushyizeho na miliyari 362.8 y’inguzanyo igihugu kizahabwa.

Andi mafaranga u Rwanda ruzakoresha angana na miliyari 356.7 azava mu nkunga z’amahanga.

Yisangize Inshuti.

Ibitekerezo 7

  1. Andika Igitekerezo Hano mwarimu azahozwa na nyakubahwa paul kagame,kuko niwe uzafata umwanzuro wanyuma kumarira yacu

  2. muge muzirikana ko waba ufite akazi kaguha miliyoni Ku kwezi uhurira na mwarimu Ku isoko rimwe kdi we afata miringo ine gusa,kdi kugirango ugere aho waciye imbere yamwarimu,ubwose inyongera ya 3% of 44000f ?tuzagakora ukarambiwe ashake abindi ajyamo,naho imibereho yacu myiza ntizava muri iyi nyongera.

  3. 3 cy 5% azahabwa.mwarimu abandi bongererwa nka 30% !!!!!reba 3/% yaa 44000 .......

  4. 3 cy 5% azahabwa.mwarimu abandi bongererwa nka 30% !!!!!reba 3/% yaa 44000 .......

  5. Andika Igitekerezo Hano
    we are so excited for the growth of our nation ecomically, since we can support our budget at the bigger percentage.

    my sencire appreciation goes to our leaders who works so hard towards achieving economically independent nation, May God bless you.

Tanga Igitekerezo