Gisagara: Hagiye kubakwa uruganda rwa mbere muri Afurika ruzabyaza nyiramugengeri amashanyarazi

2

Mu murenge wa Mamba ho mu karere ka Gisagara, hatangijwe ibikorwa byo kubaka uruganda ruzatunganya ingufu z’amashanyarazi aturuka kuri Nyiramujyengeri.

Uru ruganda ruzatangira gukora mu myaka itatu iri imbere, ruzaba rufite ubushobozi bwo gutanga amashanyarazi angana na MW80, rukazuzura rutwaye amadorali y’amerika miliyoni 350.

Uruganda ruzatunganya Nyiramujyengeri ibyazwamo amashanyarazi, ni urwa mbere rugiye kubakwa muri Afurika. Ruzatanga ingufu zingana 40% by’amashanyarazi igihugu gisanzwe gifite.

Musoni James,Ministre w’ibikorwa Remezo washyize ibuye fatizo ahagiye kubakwa uru ruganda, yatangaje ko iki gikorwa kizagirira akamaro abaturage ba Gisagara ndetse n’igihugu muri rusange nkuko biri mu ntego z’igihugu kwegereza abaturage ibikorwa remezo by’amashanyarazi.

Abaturage b’umurenge wa Mamba bavuga ko bishimiye iyubakwa ry’uru ruganda aho batuye, dore ko ruzanatanga akazi kubagera ku 1500.

Uru ruganda ruzabyazwamo amashanyarazi akomoka kuri Nyiramugengeri rugiye kubakwa mu gishanga cy’Akanyaru. Biteganyijwe ko ruzaba rwuzuye mu gihe cy’amezi 36, aho icyiciro cya mbere kizatanga amashanyarazi angana na megawatt 40 kizuzura gitwaye miliyoni 210 z’amadorali y’amerika.

Umushinga wo kubyaza amashanyarazi Nyiramugengeri, uzamara imyaka 26 ushyirwa mu bikorwa na sosiyete yo muri Turukiya yitwa HAKAN QUANTUM POWER ari nayo izawubaka, nyuma ushyikirizwe leta y’u Rwanda.

Gatete Eric Rafiki/MAKURUKI.RW

Yisangize Inshuti.

Ibitekerezo 2

Tanga Igitekerezo