BNR yaburiye amabanki kuba maso kubera sosiyete yaje icuruza amafaranga mu bisa n’ubujura

6

Banki Nkuru y’igihugu yatanze itangazo rihagarika ibikorwa bya sosiyete ikora ibisa no gucuruza amafaranga ya D9 Club, inasaba amabanki kwitondera no guhagarika amafaranga yose ashobora koherezwa kuri konti y’uyihagarariye.

Iyi sosiyete isanzwe ikorea mu bihugu nka Uganda, Zambia, na Tanzania na Kenya.Ikoresha internineti mu gushakisha abakiriya.

Iyi sosiyete ikora uburyi buzwi nka Pryamid Scheme. Bukorwa kwinshi. Hari nk’aho abashaka kujyamo batanga amafaranga runaka bitewe n’ibyiciro bihari.Haba hari umubare w’amafaranga ugomba gutanga, noneho ukajya gushaka abandi bantu baza muri sosiyete, abo baje amafaranga bishyuye haba hari umubare runaka w’ayo ugomba kunguka wowe wabazanye ariko bitewe n’icyiciro nabo bahisemo cyangwa se uburemere bw’umugabane batangiranye.

Abo nabo iyo bamaze kwinjira mu banyamuryango, basabwa kujya gushaka abandi bakiriya kugirango babone inyungu.Nk’umuntu watanze umugabane mwinshi agashyirwa mu cyiciro cya mbere, amafaranga yose yinjijwe n’umunyamuryango umukurikiye ayabonaho inyungu.

Mu itangazo BNR yashyize hanze, yavuze ko hari uwitwa Magara Smart Protus ari we uri kwamamaza iyo sosiyete ndetse ko hari konti nomero 10021007211913 yafungiriwe mu Equity Bank ya Uganda ari nayo abashaka kwinjira muri sosiyete banyuzaho amafaranga.

Guverineri wa Banki Nkuru y’u Rwanda John Rwangombwa mu itangazo yagize ati “impamvu y’iyi baruwa ni ukubamenyesha ubu bujura no kubasaba gushyiraho ubugenzuzi kugirango haburizwemo ihererekanya ry’amafaranga muri ubu buryo ku kurwanya ko byakwira mu gihugu.”

Mu kiganiro na Makuruki, Doreen Makumi ushinzwe itumanaho muri BNR yavuze ko bafite ibimenyetso ko hari abantu batangiye kwinjira muri ubu bucuruzi mu Rwanda.

Ati "Hari ibimenyetso ko hari abantu mu Rwanda bashobora kuba barabyinjiyemo ariko ntituramenya neza uko bangana, abo aribo n’amafaranga bamaze gutangamo."

Kuri interineti, bigaragara ko D9 Club iri gutanga uburyo bune bwo kuyinjiramo ku bakiriya bayo.Uburyo bwa mbere ari nabwo bwa make ni ubwitwa Bronze. Umugabane utanga ngo winjiremo kuri iki cyiciro ni amadolari 249, buri cyumweru ukajya wunguka amadolari 12.75 %.

Uburyo bundi ni Silver, aho ugiyemo yishyura amadolari 499, ku cyumweru akajya yunguka amadolari 27.75.Uburyo bwa gatatu ni ubwa Gold aho ugiyemo yishyura amadolari 998, ku cyumweru akunguka amadolari 51. Uburyo bwa nyuma ni Gold Plus aho ugiyemo yishyura amadolari 1996 akunguka amadolari 170 ku cyumweru.

Ubu buryo ntibuvugwaho rumwe n’inzobere mu bukungu kuko ahenshi bufatwa nk’ubujura cyangwa se ubushukanyi.

Makumi yavuze ko ubucuruzi nk’ubu iyo abantu babaye bake buhomba kandi abinjiyemo nyuma nibo akenshi babihomberamo.

Yisangize Inshuti.

Ibitekerezo 6

  1. TREVO Rwanda nayo ahari si uko
    ngo yitwaza kugushisha ikinyobwa kitagira uko gisa, nabo bagakora multimarketing gutyooooooooooooo

  2. Iyi D9 Club ikora muburyo bumeze nka Multi-Level Marketing nkurikije uko nyumvise. None, twagirango mudufashe BNR izakore ubushakashatsi kubundi bucuruzi nkabwo harimo ubwita ALLIANCE IN GLOBAL MOTION, IRAISERS na PAYS4EVER kuko nabyo biri mu Rwanda.
    Tubonye raporo irambuye y,ubucuruzi nk,ubu tukamenya n,izigomba guhagarikwa nkuko byakozwe kuri iyi D9 Club byaba byiza.
    Murakoze

  3. Kuki muvuga iyo Bank landi mukaba mwarayemereye gukorera mu Rwanda.Ikindi abacuruzi b,amafrnga bimwe bita bank rambert ko bitavugwa kandi bihari ndetse ababirimo kaba ari ibilomerezwa mu mutekano no mu zindi mzego za Leta!

  4. Kuki muvuga iyo Bank landi mukaba mwarayemereye gukorera mu Rwanda.Ikindi abacuruzi b,amafrnga bimwe bita bank rambert ko bitavugwa kandi bihari ndetse ababirimo kaba ari ibilomerezwa mu mutekano no mu zindi mzego za Leta!

  5. Leta ndayisaba no guhagarika ubujura bumeze butyo bwifashisha "FOREVER LIVING PRODUCTS RWANDA". Ni escroquerie yitwaza imiti ngo ikoze mu gikakarubamba aho uwinjiyemo asabwa gutanga hejuru ya 250,000 FRW agashakisha abandi abishishikariza, yababona ngo akagira amanota. Iyo bashaka kugushuka bakubwira ko abayobozi benshi b,igihugu babirimo kandi bamaze kuguramo imigabane myinshi ku buryo bakize. FOREVER LIVING PRODUCTS baranshutse ndayatanga mba Musanze muri 2007 ndahomba. N,uyu munsi barashuka abandi. Leta izabifunge

  6. Leta ndayisaba no guhagarika ubujura bumeze butyo bwifashisha "FOREVER LIVING PRODUCTS RWANDA". Ni escroquerie yitwaza imiti ngo ikoze mu gikakarubamba aho uwinjiyemo asabwa gutanga hejuru ya 250,000 FRW agashakisha abandi abishishikariza, yababona ngo akagira amanota. Iyo bashaka kugushuka bakubwira ko abayobozi benshi b,igihugu babirimo kandi bamaze kuguramo imigabane myinshi ku buryo bakize. FOREVER LIVING PRODUCTS baranshutse ndayatanga mba Musanze muri 2007 ndahomba. N,uyu munsi barashuka abandi. Leta izabifunge

Tanga Igitekerezo