Kwamamaza

UBUKUNGU

Amerika ishobora kwihimura ku Rwanda nyuma yo guca caguwa

Yanditswe

kuya

na

Jean Paul Niyitanga
Amerika ishobora kwihimura ku Rwanda nyuma yo guca caguwa

Inzego z’ubucuruzi muri Leta zunze ubumwe za Amerika zirimo kwiga ku myanzuro zizafatirwa u Rwanda, Uganda na Tanzania kubera gahunda ibi bihugu byihaye yo guca caguwa bikaba birimo guhombya inganda zo muri Amerika zitunganya caguwa.

Nyuma yuko ibihugu bigize umuryango wa Afurika y’Iburasirazuba (EAC) byemereje ko byiyemeje guca burundu icuruzwa ry’imyenda n’inkweto byakoreshejwe (caguwa), Amerika igiye gufatira imyanzuro bitatu muri ibi bihugu birimo u Rwanda, Uganda na Tanzania.

Intumwa y’ubucuruzi ya Leta zunze ubumwe za Amerika yatangaje ko Amerika irimo gusubiramo amasezerano yo guteza imbere Afurika yiswe African Growth and Opportunity Act (AGOA) nyuma yuko Amerika igaragaje ko icyemezo ibi bihugu byafashe kibangamiye ishoramari ry’inganda zitunganya caguwa.

Ibi Amerika irimo kubikora nyuma yuko ihuriro ry’inganda zitunganya caguwa muri Amerika ryanditse rivuga ko gukuraho caguwa kw’ibi bihugu byabangamiye bikomeye inganda zabo bityo bagasaba Leta gufatira imyanzuro ibi bihugu.

Iri huriro ryitwa Secondary Materials and Recycled Textiles Association (SMART), kandi ryerekanye ko ibyo ibihugu by’u Rwanda, Uganda na Tanzania byakoze binyuranyije n’amabwiriza agenga amasezerano ya AGOA yo guteza imbere no guha amahirwe Afurika bityo bagasaba ko ibi bihugu byafatirwa imyanzuro.

Kuri ubu, Inzego zose zirebwa n’ubucuruzi ngo zirimo kwiga ku byo ihuriro ry’abanyenganda zitunganya caguwa banditse basaba maze barebe niba u Rwanda, Uganda na Tanzania birimo kubahiriza ibyo amasezerano ya AGOA asaba.

Nibigaragara ko ibi bihugu binyuranya n’aya masezerano, izi nzego ngo zizafatira imyanzuro ibi bihugu nkuko byasabwe n’abanyenganda zitunganya caguwa.

Ibi bibaye nyuma yaho Kenya, Uganda, Rwanda, Burundi na Sudani y’Epfo biherutse gufata umwanzuro uvuga ko muri 2019 nta mwambaro n’umwe wa caguwa uzongera kwinjizwa muri ibi bihugu mu rwego rwo guteza imbere inganda zabyo.

Reuters dukesha iyi nkuru yatangaje ko nta mpamvu Amerika itanga ku kuba yahisemo kwiga ku bihugu bitatu gusa (U Rwanda, Uganda na Tanzania) kandi gahunda yo guca caguwa ishyigikiwe n’ibihugu bitanu.

Amasezerano y’ubucuruzi ya AGOA ateganya ko ibihugu byo munsi y’ubutayu bwa Sahara birangura ibicuruzwa muri Ameriaka bidatanze umusoro ariko na byo bikemera gukuraho imbogamizi zose zishobora kubangamira ubucuruzi n’ishoramari rya Amerika.

Binyuze muri aya masezerano, muri 2016, Amerika yinjije ibicuruzwa bifite agaciro ka Miliyoni 43 z’amadorari mu gihe muri 2015 byanganaga na Miliyoni 33 z’amadorari ibikuye mu Rwanda,Tanzania na Uganda.

Amerika kandi itangaza ko ibicuruzwa bifite agaciro ka Miliyoni 281 muri 2016 na Miliyoni 257 muri 2015 byasohotse muri Amerika bijya gucuruzwa mu Rwanda, Tanzania na Uganda.

Ibi byerekana ko u Rwanda, Uganda na Tanzania bikenera ibicuruzwa byo muri Amerika kurusha uko yo ikeneye ibyo muri ibi bihugu bikaba bishobora guhura n’imbogamizi mu gihe Amerika na yo yafata umwanzuro wo kubyihimuraho.

IBITEKEREZO

  • ema Yanditse:

    Andika Igitekerezo Hano ariko yeee caguwa niwo mwenda ese iyo bakoze murwanda ko mbona
    ntakigenda

  • ema Yanditse:

    Andika Igitekerezo Hano ariko yeee caguwa niwo mwenda ese iyo bakoze murwanda ko mbona
    ntakigenda

  • Nadia Yanditse:

    Ariko yeee abantu mwivugisha ngo made in Rwanda ntimuyishaka mwabaye mute? Muri ba ntamunoza,Ndagirango mbabwirengo inkono ihira igihe iki rero nicyo gihe cyacu bidutera ubwoba kuko kugenda gake biruta guhagarara. So think twice!

  • turatsinze celestin Yanditse:

    canguwa warumwenda 2! kibazo iyasimbuye canguwa situyibona esubundi iyasimbuye canguwa ikorerwah ?

  • turatsinze celestin Yanditse:

    canguwa warumwenda 2! kibazo iyasimbuye canguwa situyibona esubundi iyasimbuye canguwa ikorerwah ?

  • koffi Yanditse:

    Ariko njye ndabashyigikiye kbs,
    iyo made rda icikira umunsi umwe niwo mwimerere mutuzaniye ubundi c muragira ngo tunjye tugenda twambaye unform nka choral cg nkaho tuvuye kwishuri ngo ni made in rda?!aribyo noneho ntihakagire icyintu icyaricyo cyose tuzongera gutumiza hanze.
    njye mbona barahubutse igihe nticyaricyi kbs

  • Tesi Yanditse:

    Ibi nibyo byitwa kwihesha agaciro nubunyafrica,harakabeho perezida wacu,kubwinama atugira nzima ndetse nibihugu byabaturanyi.
    Made in Rwanda izatanga akazi kubanyarwanda beshi kurusha izo caguwa.
    Twiheshe agaciro dushigikira ibyiwacu Irwanda.

  • xxxxx Yanditse:

    ark yeeee!!!! abanyarwanda muzafatwehe? njyewe ndumv ibyobzvuga aribyo noex niryar u rwanda rwakoz imyenda ikambarwa koko ibyobishitinjyi nibyo mushaka kuduha? ahaaa nzabanumva!

  • Murore Yanditse:

    Ariko urabonako byabahungabanyije. Kuki baduhatira

  • Hagabimanathrophile Yanditse:

    Ntagotugikeneye kwambara iyomikuburano yabo twarayirambiwe

  • 1 | 2

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza