NYAGATARE: Ntibemeranya n’abavuga ko guhuza ubutaka biteza inzara mu baturage

Abaturage bo mu murenge wa Matimba mu karere ka Nyagatare ntibavuga rumwe n’abantu bavuga ko guhuza ubutaka ari kimwe mu kibatera inzara, ngo ahubwo abakurikije inama bagirwa n’ubuyobozi bashobora gusezera ku bukene burundu.

Iyo ugeze muri uyu murenge wa Matimba mu kagari ka Kagitumba wakirwa n’imirima migari ihinzweho igihingwa cya soya ndetse zinafite imashini izuhira kuko biherereye ahantu hataboneka amazi mu gihe imvura itarimo kugwa, gusa bamwe mu baturage bavuga ko babona soya itazabaha umusaruro nk’uw’ibigori byatanze igihembwe cy’ihinga gishize.

Uretse ibi kandi usanga mu bice bitandukanye by’igihugu bamwe mu baturage binubira ihuzwa ry’ubutaka bavuga ko bibateza inzara kuko bbaura uko bahinga ibindi bihingwa.Abo mu murenge wa Matimba bo siko babibona kuko ngo ahubwo bifite akamaro kanini.

Bisangwa Leon umuturage wo mu murenge wa Matimba mu kagari ka Kagitumba ubarizwa muri koperative ya KABOUCU, yahinze soya ku butaka buhuje.

Ati"Urabona iyi mashini yaradufashije cyane, kuko urabona ntabwo ari imwe gusa kuko nk’uko zirimo ari nyinshi. Ntabwo ziguma hamwe ariya mapine ni azifasha gutembera mu murima hose zikuhira imyaka, navuga ko yadufashije cyane nka mbere tutarabona iyi mashini kuri hegitari sinarenzaga toni ariko ubu iyo zibabaye nke ziba enye."

Yaaganye abavuga ko guhuza ubutaka nta musaruro bitanga, ati" Oya abavuga ko guhuza ubutaka bishobora guteza inzara sibyo, none se tuvuge nk’ubu hano mfitemo hegitari 1, nindamuka nejeje nka toni 4 kandi ikiro tugitangira amafaranga 450 urumva umuntu yananirwa guhaha bya bindi atahinze, ko wahaha ndetse ukanasigaza nayo wakoresha ibindi kuruta guhinga buri gahingwa weza intica ntikize ntunabashe kugira icyo wizigamira."

Koperative Kaboucu ibarizwamo abanyamuryango bagera kuri 900, iyi mashini kandi ibuhirira imyaka, bakishyura amagaranga y’u Rwanda ibihumbi 20 kuri hegitari ku mwaka yo kwishyura serivisi iki cyuma kibaha.

Canisius KAGABO

Yisangize Inshuti.

Ibitekerezo

Tanga Igitekerezo