Warning: imagejpeg(local/cache-vignettes/L463xH309/arton14963-783a9.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
GICUMBI: Abahinzi baratabaza kubera kirabiranya yayogoje urutooki .|. Makuruki.rw | Amakuru Asesenguye!

GICUMBI: Abahinzi baratabaza kubera kirabiranya yayogoje urutooki

Abahinzi b’urutoki mu mirenge itandukanye igize akarere ka Gicumbi baravuga ko bahangayikishijwe n’indwara ya kirabiranya iri gufata insina zabo bakavuga ko nibatabona ubufasha urutoki rwose ruzafatwa n’iyi ndwara.

Abahinzi bakomeza bavuga ko insina zabo zirigufatwa zose bakavuga ko bigiye kubatera ubukene bukomeye kuko abenshi bahinze urutoki mu murima wose bakavuga ko ruramutse rufashwe rwose bitaborohera kuzikura muri ubwo bukene.

Nakabonye Eugenia wo mu murenge wa Byumba ni umwe mu baganiriye na MAKURUKI ufite urutoki rwafashwe na kirabiranya. Yagize ati: “iyi kirabiranya irakaze ntigifata imibyare yonyine, nawe irebere ari inzuzi, ubutunguru yewe n’imyaka yose ahubwo nimutadutabariza turapfa.”

Imirenge MAKURUKI yagezemo ireba iby’iyi kirabiranya ni Ruvune, Rukomo, Kageyo na Byumba, aha hose abaturage bavuga ko nibatabona ubufasha bwo kurwanya iyi ndwara bari bwisange mu gihombo kuko abenshi imirima yose bayiteye urutoki gusa.
Ubuyobozi bw’akarere ka Gicumbi buvuga ko burigukora ibishoboka byose ngo burwanye iyi ndwara imaze konona ahantu henshi hatandukanye.

Murindangabo Yves ni umuyobozi ushinzwe ishami ry’ubuhinzi n’umutungo kamere mu karere ka Gicumbi, yavuze ko hari ybo akarere karimo gufasha abahinzi b’insina.

Ati:“ insina ntizirapfa zose kuko hari aho tumaze kugera turwanya iyi ndwara, twahereye mu murenge wa Rwamiko kandi turateganya kugera mu mirenge yose tuyirwanya.”

Murindangabo yakomeje avuga ko bashishikariza kandi bakigisha abaturage uburyo bwo kurwanya iyi ndwara no kwirinda ko yakwirakwira vuba.

Yavuze ko uburyo bukoreshwa ari ugucukura icyobo bakareba insina yafashwe bakayirandura yose bakayitaba hanyuma ibikoresho byakoreshejwe byose bikanyuzwa ku muriro kugira ngo birinde ko byazanduza izindi nsina.

Kirabiranya ni indwara y’urutoki yandura ku buryo bwihuse. Mu bimenyetso byayo harimo kuma kw’amakoma cyangwa agahinduka umuhondo, igitoki cyangirika kitarakomera ndetse umutumba w’insina ukagira amakakama y’umuhondo.

Patrick Rurinda

Yisangize Inshuti.

Ibitekerezo

Tanga Igitekerezo