Kwamamaza

SERVICE

Bamwe mu baraye ijoro n’amanywa bubaka Kigali Convention Centre bararira ayo kwarika

Yanditswe

kuya

na

Muneza Ferdinand
Bamwe mu baraye ijoro n’amanywa bubaka Kigali Convention Centre bararira ayo kwarika

Aba bakozi bavuga ko bakoze amanywa n’ijoro kugira ngo iyi nyubako yuzure ariko ngo bakaba barambuwe na kompanyi ya SUMMA

Bamwe mu bakozi bakoreye kampani SUMMA yatsindiye isoko ryo kubaka inyubako ya Kigali convention center, barasaba ubuyobozi bw’iyi kampani kubishyura amafaranga yabo bakoreye no kubaha ibyo amategeko abateganyiriza, nyuma yaho ibirukanye mu buryo bita ko butemewe n’amategeko kandi ngo barakoraga nk’abakozi bafite amasezerano.

Iyi nyubako yatangiye kubakwa mu mwaka wa 2009 ubwo Ikigo cy’Abashinwa, Beijing Construction Engineering Group (BCEG) cyahabwaga amasezerano yo kuyubaka, ariko nyuma imirimo yo kuyubaka ikaza gutangira kugenda biguruntege, byatumye kiyamburwa maze yegurirwa kompanyi y’ubwubatsi yo muri Turikiya yitwa SUMMA ari nayo yabashije gusoza ibyari byarananiranye mu mwaka umwe gusa.

Iyi kampani yakoze ibishoboka byose ngo iyi nyubako yuzure vuba byatumye ngo abakozi bayo bakora amanywa n’ijoro. Gusa abahoze bayikorera barayishinja kubambura amafaranga yabo ndetse no kubirukana mu buryo bavuga ko butemewe n’amategeko kandi ngo bari abakozi bagengwa n’amasezerano.

Aba bakozi bakoreye iyi kampani bari mu byiciro bitandukanye kuko hari abishyuza amezi ane, hari abishyuza amezi atanu, hari abishyuza amezi atatu, gusa bose icyo bahuriraho ni ukuba ngo iyi kompanyi yarabirukanye yirengagije ko ari abakozi bagengwa n’amasezerano.

Aba bakozi batashatse kugaragaza imyirondoro yabo ariko bagize bati:” Twakoraga amanywa n’ijoro nta muntu numwe utabizi, twaritanze bihagije kugira ngo iriya nyubako yuzure, igihembo baduhaye ni ukutwirukana badusuzuguye cyane kuko batwirukanye baturimo umwenda. Ibi ntabwo ari byo rwose.”

Aba bakozi bavuga ko umukoresha gusezerera umukozi ari uburenganzira bwe, ariko na none akabikora agendeye ku cyo amategeko ateganya. Aha niho bahera bavuga ko bakagombye guhabwa ibyo amategeko ateganya kuko na bo ngo bakoreraga ku masezerano nk’abandi bakozi bose.

Bavuga ko ngo nubwo SUMMA yari yarabemereye amasezerano, ngo ntiyigeze iyabaha mu buryo bw’inyandiko.

Umwe muri bo ati:” Ikimenyimenyi baduhemberaga kuri banki, turabasaba ko badusezerera mu buryo bwemewe, bakaduha amasezerano kuko na twe twarakoze kandi n’umusaruro ugaragarira buri wese. “

Ku rundi ruhande Makuruki.rw ntiyabashije kuvugana n’ubuyobozi bw’iyi kampani itungwa agatoki mu kwambura aba baturage bitewe n’uko umunyamakuru wacu yabujijwe kuhinjira, ariko twavuganye n’ikigo gishinzwe gukurikirana imirimo y’iyi nyubako, maze umuyobozi wacyo Eng. Didier Sagashya atubwira ko niba abo bakozi bumva bararenganijwe bagana ubutabera akaba ari bwo bubakemurira ikibazo cyabo.

Yagize ati:” Niba bavuga ko barenganijwe kandi bakaba babifitiye ibimenyetso, ndumva bagana umugenzuzi w’umurimo mu karere ka Gasabo akabafasha kuko birareba amategeko.”

Uretse kwamburwa, aba bahoze bakorera iyi kampani bavuga ngo hiyongeraho no gukubitwa kwa bamwe muri bo bakubitwa na bamwe mu bayobozi b’iyi kampani ubwo babaga baje kwishyuza ku buryo ngo bakijijwe n’abashinzwe umutekano barinda iyi nyubako.

Nibidushobokera tuzabagezaho icyo ubuyobozi bw’iyi kampani buvuga kuri iki kibazo, cyane ko ngo n’imirimo yo kubaka iyi nzu igikomeza.

Iyi nyubako Kigali Convention Center yuzuye itwaye akayabo ka Miliyoni 300 z’amadorali ya Amerika.


Aba bakozi kandi uretse Kigali Convention Centre banubatse Radisson Blu Hotel byegeranye

Muneza Ferdinand

Makuruki.rw

IBITEKEREZO

  • esron ntabingwa Yanditse:

    Ahubwo mutubarize impamvu leta iha abanyamahanga akazi company zacu ntoya bakatwimamo sou.tretance babono turi injiji.uziko umufundi wabo ahembwa plus se 50000/jour .heehhhhhhhh

  • esron ntabingwa Yanditse:

    Ahubwo mutubarize impamvu leta iha abanyamahanga akazi company zacu ntoya bakatwimamo sou.tretance babono turi injiji.uziko umufundi wabo ahembwa plus se 50000/jour .heehhhhhhhh

  • babla iribagiza Yanditse:

    aba turkiya Niko babaye bakunda ibyu busa nibishyure ayabandi bagabanye inda nini ntaho leta yacu nigire icyo I kora kuko abo bavandimwe barababaye

  • Ma dieudonne Yanditse:

    Uwakoze akagaragaza umusaruro agomba kubishimirwa.nabo bakozi bagomba kubona amafr yabo kuko bayakoreye.

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza