NEC yashimangiye bidasubirwaho ko Paul Kagame ari we watsinze amatora ya Perezida

3

Komisiyo y’amatora mu rwanda (NEC) yatangaje ku buryo budasubirwaho ko Paul Kagame yatsinze amatora y’umukuru w’igihugu ku ijanisha ry’amajwi rya 98.8%.

Ibi byatangajwe ku gicamunsi cy’uyu wa 09 Kanama ubwo NEC yatangazaga bwa nyuma ibyavuye mu matora y’umukuru w’igihugu yabaye tariki 03 na 04 Kanama uyu mwaka.

NEC yatangaje ko Paul Kagame yatowe n’amajwi miliyoni 6 675 472 ku bantu miliyoni 6 897 076 bari banditse kuri listi y’itora.

Phillipe Mpayimana wari wiyamamaje nk’umukandida wigenga muri aya matora we NEC yemeje bidasubirwaho ko yatowe ku ijanisha ry’amajwi angana 0,73% naho Frank Habineza w’ishyaka Riharanira demukarasi no Kurengera ibidukikije mu Rwanda (Democratic Green Party of Rwanda) abona amajwi 0,48%.

Umubare w’abantu batoye neza ni 6, 757, 204 bangana na 99,82% by’abiyandikishije bose bangana . Impfabusa zabonetse ni 12,310 (0.18).

Paul Kagame ni we watowe cyane n’abanyarwanda baba mu mahanga kuko yatowe n’abantu 37,951 bangana na 95.58% by’abiyandikishije. Mu mahanga, Frank Habineza yabonye amajwi 1 101 angana na 2,77%, yarushije Philippe Mpayimana kuko we mu mahanga yahabonye amajwi 655 angana na 1.65%.

Abantu bitabiriye aya matora ari ubwa mbere batoye bangana na 254,796, abatoreye mu mahanga bangana na 44,362, yitabiriwe kandi n’indorerezi 1,726.

Muri aya matora, abatoye benshi ni abagore kuko bangana na 54 % mu gihe abagabo bangana na 46%. Muri aba, urubyiruko ni 45%.

Uko abantu batoye hakurikijwe intara.

Mu ntara zose z’u Rwanda Paul Kagame ni we watowe n’abantu benshi ariko byagiye bihindagurika intara ku yindi.

Mu mujyi wa Kigali Paul Kagame yahabonye amajwi 801,176 angana na 98.90%, Philippe Mpayimana ahabona amajwi 4 748 angana na 0.59% naho Frank Habineza ahabona amajwi 4 141 angana na 0.51%.

Mu Ntara y’Iburasirazuba ni ho Paul Kagame yabonye amajwi menshi ugereranyije n’izindi ntara, yahabonye amajwi angana na 1 620 427 ahwanye na 99.30%, Philippe Mpayimana ahabona amajwi 8,044 angana na 0.49% , Frank Habineza ahabona amajwi 3 374 angana na 0.21%.

Intara y’Amajyaruguru yatoye Paul Kagame ku majwi 1 115 545 angana na 98.80%, Philippe Mpayimana ahabona amajwi 9 739 angana na 0.86% naho Frank Habineza ahabona amajwi 3 791 angana na 0.34%.

Mu Ntara y’Amajyepfo Paul Kagame yahabonye amajwi 1 574 202 angana na 98.68%, Philippe Mpayimana ahabona amajwi 11 187 angana na 0.70% naho Frank Habineza ahabona amajwi 9 843 angana na 0.62%.

Iburengerazuba ho Paul Kagame yagize amajwi 1 526 171 angana na 98.38%, Philippe Mpayimana ahabona amajwi 14,658 angana na 0.94%, Frank Habineza ahabona amajwi 10 451 angana na 0.67%.

Ku rwego rw’igihugu Paul Kagame yagize amajwi 6 637 521 angana na 98.79%, Philippe Mpayimana abona amajwi 48 376 angana na 0.73% naho Frank Habineza agira amajwi 31 600 angana na 0.48%.


Uko amatora yagenze muri rusange


ubwo Paul Kagame yatoraga umukuru w’igihugu

Yisangize Inshuti.

Ibitekerezo 3

  1. areeee.
    Vive Profeseri Mbanda!! Uragakoze Profeseri,
    Baguhembere kuba warataye igihe ukagitesha n abandi

Tanga Igitekerezo