Zimbabwe: Umupasitoro yandikiye Papa amusaba kuvana Mugabe ku butegetsi

3

Umupasitero wo muri Zimbabwe, kuri uyu wa Kabiri tariki 12 Ukwakira 2016 yasabye Papa Francis, umushumba wa kiliziya Gaturika, gukuraho Perezida Robert Mugabe amushinja guhungabanya ubukungu bw’igihugu no guheza abaturage mu bukene.

Pasitero Philip Mugadza wari uherutse gutabwa muri yombi ashinjwa kwamagana Perezida Mugabe n’ishyaka rye rya Zanu PF yashyikirije ibaruwa ye ku cyicaro gikuru cya Paruwasi muri Zimbabwe isaba Papa Francis gukura Perezida Mugabe ku butegetsi.

Iyi baruwa yashyikirijwe Padili Gabriel Pesce, umunyamabanga wa Apostoric Nunciature muri Zimbabwe ahafatwa nka Ambasade ya Papa muri iki gihugu.

Iyi baruwa irimo amagambo agira ati: “ Twebwe twifuje kubaha iyi nyandiko tubasaba gukuraho Perezida wa Repubulika ya Zimbabwe, Robert Gabriel Mugabe. Igihugu n’abaturage bacyo bagezweho n’ingaruka z’ubukene biturutse ku ikoreshwa nabi ry’umutungo kamere.”

Uru rwandiko ruvuga ko kuba Mugabe yaravuze ko ari umuyoboke wa kiliziya Gaturika, ari iby’ingirakamaro ku baturage ba Zimbabwe gutabaza Papa kugira ngo afashe igihugu mbere y’uko Mugabe w’imyaka 90 yikiza abo batavuga rumwe bose.

Iyi baruwa yakomeje igira iti: “Nyirubutungane tugusabye inkunga yawe. Turabizi neza ko nawe ufite agahinda n’umubabaro. Nubwoo mu ba Roma 13:4 havuga ko umuyobozi ahagarariye Imana hano ku isi twe dukurikije ibyo tubona nta kigaragaza ko Imana yigaragaza mu buyobozi bwa Mugabe.”

Iyi nyandiko kandi ivuga ko agashami ka kiriziya gaturika gashinzwe amahoro n’ubutabera muri Zimbabwe gafite amakuru yose ajyanye n’uburyo abaturage ba Zimbabwe bafashwe nabi ku butegetsi bwa Mugabe.

Pasitoro Mugadza yabwiye itangazamakuru ko nyuma yo gutanga ibaruwa ye yizera ko Papa azayibona kandi akagira icyo akora kuko igihugu kiri mu bihe bikomeye.
Yavuze ko abapasitoro bo muri iki gihugu batazongera kureberera ibigenda nabi mu gihugu ahubwo bagomba guhaguruka bagasaba ubuyobozi bwiza.

Ati: “ Niba Perezida wacu ku myaka 29 twaramubonaga nk’umuntu twagirira icyizere none ku myaka 92 akaba nta cyizere gihari, tugomba kumubwira ko agomba kuvaho, nicyo gihe kuri we cyo kugenda."

Mugadza yasabye abanyazimbabwe kwigaragambya mu gihe cy’iminsi irindwi basaba ko Mugabe ava ku butegetsi.

Yisangize Inshuti.

Ibitekerezo 3

  1. kabisa iyaba abaperesida ba Africa manda zabo zarangiraga bakavaho kuneza byaba byiza none NGO badakuweho nurusasu NGO ntiryarema mujye mubareka baca umuganingo aho itoye keshi ihata ibaba bidebyebye nigihe kandingo ntanvura idahita bizashira

  2. kabisa iyaba abaperesida ba Africa manda zabo zarangiraga bakavaho kuneza byaba byiza none NGO badakuweho nurusasu NGO ntiryarema mujye mubareka baca umuganingo aho itoye keshi ihata ibaba bidebyebye nigihe kandingo ntanvura idahita bizashira

Tanga Igitekerezo