U Burundi bwasabiwe ibihano nyuma yo kuva muri ICC

4

Inkunga zigenerwa igihugu cy’u Burundi zishobora guhagarikwa nyuma y’umwamzuro wafashwe n’iki gihugu wo kwivana muri ICC, ibi bikomeje gusabwa na tumwe mu dutsiko tw’abantu batishimiye umwamzuro wafashwe n’iki gihugu.

Perezida Nkurunziza yasinyiye kuva muri ICC kuri uyu wa Gatatu tariki 19 Ukwakira 2016, byabaye nyuma y’uko abanyamategeko b’u Burundi batoye itegeko rivana iki gihugu mu bihugu byashyize umukono ku masezerano ashyiraho uru rukiko.

Umwe mu nzobere z’uru rukiko mu by’ubutabera yavuze ko uyu mwanzuro uzatuma uru rukiko rwa ICC rudashobora gukomeza gukora iperereza ku byaha byakozwe guhera muri Mata 2015.

Pancrace Cimpaye uba mu kanama k’igihugu gashinzwe kuvugurura amasezerano ya Arusha no kugenzura amategeko (CNARED) yagize ati: “ Turababaye kubona Perezida Nkurunziza avana u Burundi muri ICC [….] Twari twabonye raporo ya LONI igaragaza ingaruka z’ubwicanyi mu gihugu cyacu.”

Cimpaye yakomeje agira ati: “ Turasaba imiryango mpuzamahanga ko yashyira igitutu kuri Perezida Nkurunziza [….] Twasabaga imiryango mpuzamahanga nka EU guhagarika imishahara y’abasirikare bari muri Somaliya no muri Repubulika ya Centafurika.”

Cimpaye avuga ko yizeye ko ihagarikwa ry’imishahara ku basirikare bari mu butumwa bw’amahoro bwa LONI bizatuma basubira mu gihugu cyabo bakaba barinda amahoro y’igihugu cyabo ndetse akaba yifuza ko hahagarikwa izamurwa ku butegetsi rya bamwe mu bayobozi bakomeye muri iki gihugu.

Kwikura muri ICC ku Burundi bishobora gukurura ibindi bibazo

Mark Kersten inzobere mu by’amategeko muri ICC no mu ishuli rya Munk School of Global Affairs yatangarije RFI ko kuba u Burundi bwivanye muri ICC ari nko gutanga itangazo ryo kwikura mu muryango w’ibihugu bigize LONI ndetse iki gihugu kikaba kitatinda kubona ingaruka.

Nanone kwikura muri ICC k’u Burundi bishobora kuba inzitizimu iperereza ICC yatangije kuva muri Mata 2015, aho byavugwa ko muri iki gihugu hakorerwa ibyaha by’ubwicanyi, gufunga, iyicarubozo, gufata ku ngufu ndetse n’ibindi bishingiye ku ihohoterwa harimo no kunyereza abantu byose bikaba bishamikiye kuri manda ya 3 ya Perezida Nkurunziza iatavuzweho rumwe n’abarundi.

Kersten yagize ati: "Nta ngingo zigaragaza neza impamvu yo kuva muri ICC, haramutse hadatangijwe iperereza muri uyu mwaka, bimwe mu bimenyetso byatakaza agaciro".

Kerste avuga ko iri perereza niridakorwa bizagaragara nko gushaka kwihorera no guhanira u Burundi kuba bwaravuye muri ICC, ku rundi ruhande ICC ikaba ishobora gufatwa nk’urukiko rufite imbaraga nke.

Bikunze kumvikana bamwe mu bayobozi bavuga ko uru rukiko rwa ICC rudakurikiza ubutabera ahubwo rukibasira abanyafurika gusa.

Yisangize Inshuti.

Ibitekerezo 4

  1. Mwanditse ko Nkurunziza yasinye itegeko Ku wa 19 Ugushyingo nyamara ntiharagera ahubwo ni Ku wa 19 Ukwakira 2016. Murakoze

  2. Mwanditse ko Nkurunziza yasinye itegeko Ku wa 19 Ugushyingo nyamara ntiharagera ahubwo ni Ku wa 19 Ukwakira 2016. Murakoze

  3. Mwanditse ko Nkurunziza yasinye itegeko Ku wa 19 Ugushyingo nyamara ntiharagera ahubwo ni Ku wa 19 Ukwakira 2016. Murakoze

Tanga Igitekerezo