Trump yongeye gutsindirwa urubanza rwe mu bujurire

10

Urukiko rw’ubujurire rwahakanye ko itegeko rya Perezida wa Amerika Donald Trump ribuza abimukira bo mu bihugu birindwi byiganjemo iby’abayisilamu kwinjira muri Amerika rishyirwa mu bikorwa.

Urukiko "9th US Circuit Court of Appeals" rwavuze ko rudashobora kuvuguruza urukiko rw’ibanze rwari rwafashe icyemezo cy’uko iri tegeko ritashyirwa mu bikorwa.

Perezida Donald Trump abicishije kuri twitter yavuze ko ababajwe n’iki cyemezo kandi ko umutekano wa Amerika ubangamiwe ariko kandi avuga ko bagiye gukomeza kwitabaza ubutabera.

Abacamanza batatu bafashe iki cyemezo bavuze ko leta itashoboye kwerekana uburyo ikibazo cy’umutekano cyatuma iki cyemezo cyubahirizwa.

Iki cyemezo cyafashwe n’uru rukiko kigiye gutuma abanyagihugu bo muri Irani, Iraki, Libiya, Somaliya, Sudani, Siriya, na Yemeni barebwaga n’iki cyemezo bakomeza kwinjira muri Amerika nk’uko bisanzwe.

Impuza ziva mu mpande zose z’isi bahunga ibibazo byo mu bihugu byabo zihungira muri Amerika nazo ubu ntizikibujijwe kuhahungira.

Uru rubanza rwitezwe ko rushobora kurangirira mu rukiko rw’ubujurire rwa leta zunze ubumwe za Amerika.

Yisangize Inshuti.

Ibitekerezo 10

  1. birababaje abantu bose muri America n ,abimukira niyompamvu ntamuntu ukwiye kwakwa uburenganzira bwokuhaba ubworero ndumva ntampamvu yo kwirukanwa

  2. Ntiwumva?
    iki nicyo Democracy isobanuye rero.
    aba bagabo bari Serieux kbsa.
    Trump bigeze kumubaza bati"ese ninde ukugira inama?"arasubiza ati"Ntawe,nijye wigira inama".koko rero ashobora kuba nanubu ariwe ukigira Inama.nawe se ubundi tuziko America yituriwe nabimukira benshi kandi ntawashidikanya uruhare bagira mu iterambere rya USA.none mugihe isi yose ishishikajwe no kwishyira hamwe Trump we ashishikajwe no kubaka inkuta zimutandukanya nabaturanyi?ngo aba ntibemerewe kuza mu gihugu cye?
    Bizamugora.

Tanga Igitekerezo