Perezida Kagame yifatanyije n’abanya-Cuba mu kababaro batewe n’urupfu rwa Fidel Castro

3

Fidel Castro yatabarutse yari ageze mu za bukuru

Perezida Kagame yihanganishije abatura b’igihugu cya Cuba nyuma y’urupfu rw’uwari Perezida wa cyo Fidel Castro watabarutse afite imyaka 90 y’amavuko

Inkuru y’urupfu rwa Fidel Castro yamenyekanye kuri uyu wa 26 Ugushyingo 2016 itangajwe na Murumuna we Raul Castro ari na we uyoboye Cuba kuri ubu.

Raul Castro yanatangaje ko ku mugoroba wo kuri uyu wa Gatandatu ari bwo Fidel Castro aza gutwikwa maze ivu rye rikabikwa ndetse anatangaza ko igihugu kijya mu gihe cy’icyunamo atatangaje iminsi kizamara

Abanyepolitiki batandukanye ku Isi barimo na Perezida wa Repubulika y’u Rwanda Paul Kagame bafashe umwanya wabo bazirikana ubutwari bwaranze Nyakwigendera Castro maze bamwifuriza iruhuko ridashira ari na ko bibuka ubutwari bwamuranze mu buzimabwe bwose.

Abinyujije ku rukuta rwe rwa Twitter, Umukuru w’igihugu cy’u Rwanda yagize ati: " Ruhukira mu mahoro Fidel Castro, inwanyi idatezuka wabayeho mu buzima bwo kwibohora kandi nihanganishije abaturage ba Cuba"

Amwe mu mateka yaranze Fidel Castro

Fidel Castro yavutse Kuwa 13 Kanama 1926 mu ntara ya Oriente muri Cuba.

Mu buzima bwe Castro yaranzwe no guharanira impinduramatwara mu gihugu cya Cuba.

Mu mwaka wa 1953, yarafashwe arafungwa nyuma ya Coup d’Etat yakoze igapfuba ashaka guhirika Fulgencio Batista wayoboraga igihugu.

Mu 1955, Castro yarafunguwe ku mbabazi. Mu 1956 yasubiye mu ishyamba n’ingabo ze kurwanya Leta ya Batista. Mu 1959, yatsinze Fulgencio Batista ahita aba Minisitiri w’Intebe.

Mu mwaka wa 1976 yatowe n’Inteko Ishinga Amategeko ngo abe Perezida wa Cuba.

Mu 1992, yasinye amasezerano na Amerika yerekeye impunzi za Cuba zabagayo.

Mu 2008 yemeye kuva ku butegetsi, abuha murumuna we kubushake.

Castro ni umwe mu bayobozi bakunze kudacana uwaka na Leta Zunze Ubumwe za Amerika, nubwo kuri ubu ibyo bihugu byatangaje ko bishaka gusubukura umubano.

Castro yavugaga ko politiki ya Amerika ari mbi ndetse ari ikurura iterabwoba.Yigeze kubwira George W Bush ko ari ikirumirahabiri ndeste akaba n’umujura, naho muri 2011 avuga ko Obama ari igicucu, ndetse ubwo umubano w’ibihugu byombi wahwihwiswaga ko ugiye kongera kuba mwiza, Castro we yavuze ko atakwizera Amerika.

Nubwo Cuba na Amerika byagerageje kugarura umubano barekura imfungwa ku mpande zombi, Amerika iracyafatiye ibihano icyo gihugu. Inteko Ishinga Amategeko ni yo ifite ububasha bwo kubikuraho.

Ku butegetsi bwe yashinjwaga guhojotera uburenganzira bwa muntu, aho abarwayi ba SIDA bahabwaga akato, abatinganyi bagafungwa.

Yisangize Inshuti.

Ibitekerezo 3

  1. Asize amateka menshi.ntawundi usigaye nkawe wo mugihe cye? Umenya ntawe.niyigendere yard intwari.

  2. yabaye impirimbanyi yamateka inama nziza adusigiye we ni nshutiye chegevar ntituza tezuka kumpanuro badusigiye imana bane nawe kandi izamuhuze na che.

Tanga Igitekerezo