Perezida Kagame yavuze ko ’Ibyo gusimbuza abayobozi bidakwiye kuremerezwa’

2

Perezida wa Repubulika y’u Rwanda Paul Kagame yavuze ko ntawe ukwiye kumva ko igikuba cyacitse mu gihe hari umuyobozi mukuru wasimbujwe mu mwanya ahubwo ko ari uburyo busanzwe bwo gushaka icyateza imbere igihugu.

Ibi perezida Kagame yabivuze ubwo yarahizaga abantu bane bashya baherutse kwinjira muri Guverinoma, kuri uyu wa 06 Ukwakira 2016 mu ngoro y’Inteko Ishinga amategeko y’u Rwanda.

Perezida Kagame yongeye kwibutsa aba barahiye n’abandi basanzwe muri guverinoma ko kugira ngo igihugu kibashe gutera imbere bagomba gukora bibajyanisha no kwihutisha ibyo bakora, ibintu avuga ko bitarinjira muri bamwe mu bagize Guverinoma.

Perezida Kagame kandi yavuze ko kuba hari abasimbujwe muri guverinoma bitavuze ko birukanywe cyangwa se ari byacitse ahubwo ko bakwiye gukomeza gutanga umusanzu mu kubaka igihugu.

Yagize ati “N’iyo habaye impinduka nk’iyi nta kindi bivuze ni ugushakisha impinduka yatuma dutera izindi ntambwe kubera ko n’abatakiri mu myanya bari barimo ntabwo bibavanyeho inshinagano kuko bajya ahandi, cyangwa bazajya ahandi. N’umuntu ku giti cye aho aho ari ho hose cyane cyane nk’umuntu wari warafashe n’inshingano nk’izo bari barimo ntabwo burya inshingano ikuvaho, uhora ushaka kugirango utange umusanzu wawe…nibwira rero ko iyo byagenze gutya bikwiye kumvikana mu buryo bworoshye, ntibirirwe biremerezwa.”

Perezida Kagame kandi yibukije aba barahiye ko n’ubwo bazamuwe mu ntera ariko bitavuze ko akazi kagabanutse, ahubwo ko bakwiye gushyiraho umuhate bagaharanira gutera imbere aho gusubira inyuma cyangwa kuguma aho bari.

Abarahiye ni minisitiri w’uburinanire n’iterambere ry’umuryango Nyirasafari Esperance, umunyabanga wa leta ushinzwe amashuri abanza n’ayisumbuye muri Mineduc Munyakazi Isaac, umunyabanga wa leta muri Minisiteri y’ubutabera ushinzwe ibyerekeye Itegeko Nshinga n’andi mategeko Uwizeyimana Evode, umunyabanga wa leta muri Minagri ushinzwe ubuhinzi Nsengiyumva Fulgence

Abahoze muri guverinoma batayigarutsemo nk’uko byagaragaye mu itangazo ryashyizwe ahagaragara kuri uyu wa 04 Ukwakira 2016 harimo uwari minisitiri w’Umutekano Sheikh Musa FazilHarerimana, Evode Imena wari umunyamabanga wa leta ushinzwe ubucukuzi bw’amabuye y’agaciro, na Tony Nsanganira wari umunyabanga wa Leta muri Minisiteri y’Ubuhinzi n’Ubworozi.

Yisangize Inshuti.

Ibitekerezo 2

  1. Ubundi rero hari icyo umuntu akundira undi,kandi wenda akamukunda atamuzi nta n,icyo amutezeho uretse kumukundira ubunyangamugayo bwe,ubutwari n,ibindi.Mpora mbona kandi nkumva ngo umuyobozi runaka yavuyeho,abantu benshi bakavugishwa!President Kagame ntabwo akangwa na turaziranye cg ngo ufite uburambe mu kazi runaka!Uwo ari we wese ukoze ibidahesha igihugu agaciro amuvanaho.Ibyo kandi bitandukanye na leta za kera.Kuko iyo wumva mu giturage hagati mbamo umuturage utazi gusoma avuga ngo Perezida Kagame naza azarega abamurenganije ,n,ibindi byinshi numva hari uruvugiro!Ikindi mwemerera ntabwo atinya kunenga amakosa akorwa n,ibindi bihugu ku Rwanda.Aramutse atinye,abanyarwanda twese tuba tubaye ibigwari!Ninazo mpamvu muri rusange twamushyize ku buyobozi.Mu kurangiza,ndagira ngo mbwire abarakara kuko bahinduriwe cg bakuwe ku myanya bari barimo,kubyakira neza kuko President Paul Kagame ahora ashaka ibishya byateza abanyarwanda imbere.Kandi akazi si ubukonde nka kera nkurikije ibyo nzi kandi nabonye.Murakoze cyane!

  2. Ubundi rero hari icyo umuntu akundira undi,kandi wenda akamukunda atamuzi nta n,icyo amutezeho uretse kumukundira ubunyangamugayo bwe,ubutwari n,ibindi.Mpora mbona kandi nkumva ngo umuyobozi runaka yavuyeho,abantu benshi bakavugishwa!President Kagame ntabwo akangwa na turaziranye cg ngo ufite uburambe mu kazi runaka!Uwo ari we wese ukoze ibidahesha igihugu agaciro amuvanaho.Ibyo kandi bitandukanye na leta za kera.Kuko iyo wumva mu giturage hagati mbamo umuturage utazi gusoma avuga ngo Perezida Kagame naza azarega abamurenganije ,n,ibindi byinshi numva hari uruvugiro!Ikindi mwemerera ntabwo atinya kunenga amakosa akorwa n,ibindi bihugu ku Rwanda.Aramutse atinye,abanyarwanda twese tuba tubaye ibigwari!Ninazo mpamvu muri rusange twamushyize ku buyobozi.Mu kurangiza,ndagira ngo mbwire abarakara kuko bahinduriwe cg bakuwe ku myanya bari barimo,kubyakira neza kuko President Paul Kagame ahora ashaka ibishya byateza abanyarwanda imbere.Kandi akazi si ubukonde nka kera nkurikije ibyo nzi kandi nabonye.Murakoze cyane!

Tanga Igitekerezo