Perezida Kagame na Madamu Jeannette Kagame bakiriwe i Beijing (Amafoto)

3

Perezida wa Repubulika y’u Rwanda Paul Kagame na Madamu Jeannette Kagame bamaze kugera mu gihugu cy’u Bushinwa mu ruzinduko rw’akazi rw’iminsi ibiri

Perezida Kagame na Madamu Jeannette Kagame bakiriwe i Beijing mu murwa mukuru w’u Bushinwa mu ruzinduko rw’akazi rw’iminsi ibiri.

Muri uru ruzinduko Perezida Kagame azabonana na mugenzi we w’u Bushinwa Perezida Xi Jinping baganire byinshi ku mikoranire no kunoza umubano w’ibihugu byombi.

Uru ruzinduko ruje nyuma yuko Perezida Kagame akubutse mu nama ya Komisiyo y’umurongo mugari wa interineti yaberaga Hong Kong aho yari kumwe na Minisitiri w’urubyiruko n’ikoranabuhanga mu Rwanda Jean Philbert Nsengimana.

Iyi nama ya komisiyo y’umurongo mugari wa interineti yabereye i Hong Kong ku butumire bwa madamu Sun Yafang, umuyobozi mukuru wa sociyete izwi nka Huawei ikora ikanacuruza ibikoresho by’ikoranabuhanga bitandukanye.

Perezida Kagame yasinye amasezerano y’imikoranire hagati ya Guvrinoma y’u Rwanda n’iyi sosiyete.

Muri uru ruzinduko rw’iminsi ibiri i Beijing, Perezida Kagame na Madamu Jeannette Kagame bari kumwe na Minisitiri w’ububanyi n’amahanga akaba n’umuvugizi wa Guverinoma y’u Rwanda Madame Louise Mushikiwabo.

Yisangize Inshuti.

Ibitekerezo 3

Tanga Igitekerezo