Perezida Kagame yageze muri Guinea Conakry mu mavugurura ya AU (Amafoto)

Perezida Paul Kagame yageze mu gihugu cya Guinea Conakry aho agiye kuganira na bagenzi be barimo Alpha Condé Perezida wa Guinea, unayoboye Afurika Yunze Ubumwe (AU), Idris Deby wa Tchad, ndetse na Moussa Faki Mahamat , umuyobozi wa Komisiyo ya AU.

Aba bayobozi baraganira ku mavugurura akwiye mu muryango wa Afurika Yunze Ubumwe, agamije ubufatanye, iterambere no kwishakamo ibisubizo k’uwo mugabane.

Muri Nyakanga umwaka ushize mu nama ya AU yabereye mu Rwanda, Perezida Kagame yashinzwe na bagenzi be ba Afurika gukora amavugurura akwiriye kugirango uwo muryango uterwa inkunga ku kigero kiri hejuru ya 50 % uzashobore kwihaza udakomeje gutega amaboko abanyamahanga.

Muri Mutarama uyu mwaka nyuma yo kubifashwamo n’inzobere mu ngeri zitandukanye muri Afurika, yagejeje ku bakuru b’ibihugu bya Afurika bagize AU, raporo y’amavugurura akenewe muri uwo muryango ndetse iyo raporo irashimwa.

Amafoto:Perezidansi

Yisangize Inshuti.

Ibitekerezo

Tanga Igitekerezo