Kwamamaza

Politiki

Ntituzakomeza kwihanganira umuco mubi w’imitangire mibi ya serivisi –Minisitiri w’Intebe Murekezi

Yanditswe

kuya

na

Niyitanga Jean paul
Ntituzakomeza kwihanganira umuco mubi w’imitangire mibi ya serivisi –Minisitiri w’Intebe Murekezi

Minisitiri w’Intebe w’U Rwanda Anastase Murekezi

Minisitiri w’Intebe w’U Rwanda Anastase Murekezi yavuze ko Leta y’u Rwanda itazakomeza kwihanganira umuco mubi w’imitangire mibi ya serivise utuma imiyoborere mu Rwanda ikomeza kugaragaza icyasha.

Kuri uyu wa 31 Mutarama, RGB yamuritse ubushakashatsi ku bipimo by’imiyoborere mu Rwanda by’umwaka wa 2016.

Ni ubushakashatsi bwubakiye ku bipimo umunani birimo ubutegetsi bugendera ku mategeko, Uburenganzira n’ubwisanzure bw’abaturage, uruhare rw’abaturage mu bibakorerwa, Umutekano n’ituze rusange, imibereho myiza y’abaturage, kurwanya ruswa no gukorera mu mucyo, Imitangire ya serivisi, Iterambere ry’ubukungu.

Minisitiri w’intebe Anastase Murekezi yavuze ko u Rwanda rwishimira zimwe mu nzego zagaragaje imikorere myiza muri ubu bushakashatsi bwakozwe n’urwego rw’igihugu rw’imiyoborere (RGB) ndetse avuga ko mu mwaka wa 2016, u Rwanda rwateye intambwe ijya imbere ugereranyije n’ibyavuye mu bushakashatsi bw’imyaka yabanje.

Ubu bushakashatsi bwa 2016 bwerekanye ko umutekano mu Rwanda ari wo uyoboye izindi nzego mu mikorere myiza ku manota 92.62%, kurwanya ruswa n’akarengane bikurikiraho ku manota 86.56%, Uburenganzira n’ubwisanzure bw’abaturage buza ku mwanya wa gatatu n’amanota 81.83%.

Ibindi bipimo byose byaje hagati y’amanota 70% na 80%, ariko biherukwa n’imitangire ya Serivise yabaye iya nyuma n’amanota 72.93%. Ibi ni byo Minisitiri w’intebe yahereyeho avuga ko Leta y’u Rwanda itazakomeza kwihanganira abatanga serivise mbi.

Yagize ati: “urwego rwabonye amanota ya nyuma mu bushakashatsi bwa 2016 rukomeza kuba imitangire ya serivise, ruhagaze ku manota 72.93% gusa kandi ikirenze kuri ibyo ni uko iyi ari inshuro ya kane iki gipimo kiba icya nyuma mu bushakashatsi, iki ni ikibazo! Nkuko mubizi inama y’igihugu y’umushyikirano iheruka yemeje ko inzego za Leta n’iz’abikorera zigomba gukora ibishoboka byose mu guhindura isura y’imitangire ya serivisi, ntitwakomeza kwihaganira igihe cyose umuco mubi wo gutanga serivisi mbi nk’igihugu kigamije kugera ku bukungu bushingiye ku mitangire ya serivise”

Minisitiri w’intebe yavuze ko Guverinoma izakora ibishoboka byose ariko imitangire ya serivise igahindura imikorere.

Ati: “Guverinoma y’u Rwanda igiye gukuba kabiri ingufu kugira ngo serivisi mu buzima n’ubukungu zitangwe neza, ibyo ntabwo ari imfa busa, ni uko impinduka nziza mu mibereho myiza y’abaturage n’ubukungu by’igihugu cyacu biri mu by’ibanze mu cyerekezo 2020 kandi bishingira ku mitangire myiza ya serivise, niyo mpamvu nsaba inzego zose, iza Leta n’izigenga, sosiyete sivile n’abanyarwanda bose guha agaciro no gushyira ku ruhembe rw’imbere imitangire myiza ya serivise. Ibi kubigeraho biradusaba twese guhindura imyumvire yacu”

Perezida Kagame mu mwaka ushize yagiye agaruka kenshi ku kibazo kikigaragara mu mitangire ya serivise avuga ko ari ibintu bikwiye guhinduka. Yavuze ko u Rwanda hari ibyo rubura rushobora gutegereza abaterankunga n’abagiraneza bakabiruha ariko ashimangira ko imitangire ya serivise nta bushobozi isaba u Rwanda rudafite.

Perezida Kagame yavuze ko icyo abantu basabwa gusa ari uguhindura imyumvire ubundi serivise zigatangwa neza.

Ubushakashatsi bwibanda ku bipimo by’imiyoborere buzwi nka“Rwanda Governance Scorecard” mu rurimi rw’icyongereza bwatangiye gukorwa mu Rwanda kuva muri 2011 mu rwego rwo kunoza imiyoborere myiza mu Rwanda.


Minisitiri w’intebe (hagati) umuyobozi wa RGB Prof. Shyaka Anastase , (ibumoso) , n’umuhuzabikorwa w’amashami ya Loni mu Rwanda, Lamin Manneh,

IBITEKEREZO

  1. murakoze cyane ko mutishimira abakora nabi ndetse bagatanga na serivise nabi,none ndifuza ko mwazatuvuganira mumurenge wa cyeza iki kibazo kirahari ndetse nikimenyane

  2. murakoze cyane ko mutishimira abakora nabi ndetse bagatanga na serivise nabi,none ndifuza ko mwazatuvuganira mumurenge wa cyeza iki kibazo kirahari ndetse nikimenyane

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza