Nathan MUGUME na Dr. KAREMA Corine birukanywe burundu mu bakozi ba Leta kubera amakosa akomeye

4

Nathan Mugume (ibumoso) na Dr. Karema Corine (iburyo) birukanywe n’Inama y’abaminisitiri

Nathan Mugume wari Umuvugizi wa Minisiteri y’ubuzima na Dr. Karema Corine wari Umuyobozi ushinzwe gahunda yo kurwanya indwara ya Malariya mu kigo cy’Ubuzima RBC Birukanywe burundu mu bakozi ba Leta y’u Rwanda n’Inama y’abaminisitiri yo kuri uyu wa gatanu tariki 24 Kamena 2016 yari iyobowe na Perezida wa Repuburika Paul Kagame.

Iyi nama y’abaminisitiri yemeje iteka rya Minisitiri w’Intebe ryirukana burundu mu bakozi ba Leta Dr. KAREMA Corine na Bwana MUGUME Nathan bari Abayobozi Bakuru b’Amashami mu Kigo gishinzwe Ubuzima mu Rwanda (RBC), kubera amakosa akomeye bakoze mu kazi.

Iri tangazo ntiryerura amakosa akomeye yatumye aba bakozi birukanwa burundu mu bakozi ba Leta, ariko ibi biba bisobanuye ko mu gihe wirukanywe muri ubu buryo udashobora kubona akazi aho ari ho hose mu bigo bya Leta n’ibiyishamikiyeho mu gihe cyose utakuweho ubu busembwa.

Nathan Mugume yamenyekanye cyane mu Itangazamakuru kubera ko ari we wari ushinzwe kuvugira Minisiteri y’Ubuzima n’ibigo byayo, mu gihe Dr. Karema Corine nubwo iri zina ritumvikanaga cyane mu itangazamakuru ariko yari akuriye Ishami ryo kurwanya indwara ya malaria yongeye gukaza umurego muri iyi myaka ibiri ishize mu Rwanda.

Minisiteri y’Ubuzima n’ikigo gishinzwe ubuzima RBC ni bimwe mu bigo bya Leta byavuzwemo cyane amakossa atandukanye cyane muri imyaka ibiri ishize, harimo ay’uko harimo guhombya Leta akayabo k’amafaranga y’inzitiramubu z’ibicupuri zinjijwe mu gihugu biri mu bivugwa ko byaba byaratumye ubwiyongere bw’indwara ya malaria buzamuka.

Gusa ntawakwemeza niba hari isano byaba bifitanye n’isezererwa ritunguranye ry’aba bakozi bo ku rwego rwo hejuru ba MINISANTE.

Yisangize Inshuti.

Ibitekerezo 4

  1. Ariko rwose narumiwe!ESE ko batirukana Binagwaho ko byose byakorwaga abizi!Murebe akaduruvayo yareje muri Oriya ministeri ntekereza ko itaba undi wayitobye kuriya hakabaye yaracishijweho!Uziko wagira ngo ni ikigirwamana!Naho NGO Mugume na Dr Karema?Bihangane bazize ko nyirabuja adakorwaho!

  2. Ishyano riragwura. ESE ubundi yahawe izo nshingano ate ko muzi cyane n ubuswa bwe. Yihangane ajye Kampala kurirayo utwo yazigamye, cg yashimuse

  3. NdaQ ubu nawurusimbuka rwamubonye Nathan mugume ni ubwa sivubwa mbere umujugujugu umunyura ku mutwe mwibuke ko yigeze no gufungwa akaza kurekurwa ubwo ngine aranse abaye nyirigitwe kinini kidatans nimijugujugu tu. Uyu mupfasoni we nawe niwe wazanye supa neti nako indobani zifashishwa kuroba aho kuzana supaneti

  4. nukuri mugihe atubahirije inshingano zimureba agomba kubiryozwa !! Mujye mumenya inshingano mufite !? Mube urugero kubandi .

Tanga Igitekerezo