Mushikiwabo yihanganishije Ubwongereza ku gitero cyahitanye barindwi

Minisitiri w’Ububanyi n’amahanga akaba n’Umuvugizi wa Guverinoma y’u Rwanda,Louise Mushikiwabo yihanganishije Leta y’Ubwongereza ku gitero cyagabwe mu mujyi wa Londres kuri iki Cyumweru kigahitana barindwi.

Abiyahuzi bayoboye imodoka mu banyamaguru ku kirarao cy’i Londres, ndetse banavamo batangira guteragura ibyuma abaturage bari hafi aho.

Abantu barindwi barimo na batatu bagabye igitero bahise bahasiga ubuzima, abandi 48 barakomereka.

Ni ku nshuro ya gatatu mu byumweru icumi gusa umujyi wa Londres wibasiwe n’ibitero by’iterabwoba.

Umutwe wa IS niwo wigambye kuba inyuma y’icyo gitero nubwo nta biamenyetso bifatika watanze.

Kuva kuri iki cyumweru abayobozi mu mpande zitandukanye u isi hose bari gutanga ubutumwa bwihanganisha Abongereza.

Minisitiri w’Ububanyi n’amahanga w’u Rwanda abinyujije kuri Twitter, nawe yihanganishije abongereza.

Yagize ati "Mu Rwanda, tubabajwe cyane n’ibitero by’i Londres bije bikurikira ibitero by’i Kabul n’abandi.Imitima yacu iri kumwe namwe."

Kabul muri Afganistan kuri uyu wa Gatandatu haturikiye ibisasu mu bantu bari mu kiriyo, barindwi bahasiga ubuzima, 119 barakomereka.

Igitero cyaherukaga mu Bwongereza ni icyabereye i Manchester kigahinatana abantu 22.

Yisangize Inshuti.

Ibitekerezo

Tanga Igitekerezo