Warning: imagejpeg(local/cache-gd2/de70e2b3080277af33385b5f6105dd26.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Mali: Abadepite bane bitandukanyije n’ishyaka riri ku butegetsi .|. Makuruki.rw | Amakuru Asesenguye!

Mali: Abadepite bane bitandukanyije n’ishyaka riri ku butegetsi

Depite Kalilou Ouattara umwe mu bitandukanyije n’ishyaka riri ku butegetsi

Abadepite bane muri Mali baturuka mu ishyaka riri ku butegetsi rya RPM bitandukanyije naryo bajya kwiyunga n’irindi shyaka ritavuga rumwe n’ubutegetsi , ADP Mali

Amakuru dukesha RFI aravuga ko aba badepite uko ari bane bagiye gushaka imyanya ikomeye muri iri shyaka ritavuga rumwe n’ubutegetsi.

Aba badepite uko ari bane ni Mamadou Doumbia watorewe muri Komine ya II mu karere Bamako, Kalilou Ouattara watorewe muri komini ya III mu karere ka Bamako, Bakary Diarra watorewe mu gace ka Sikasso na Soiba Coulibaly watorewe mu gace ka Kati bakaba barandikiye Perezida w’iri shyaka bagaragaza ko bitandukanyije naryo.

Mu ibaruwa banditse basobanura impamvu ibateye kwitandukanya n’iri shyaka bagize bati: Ni umwanzuro uremereye tutigeze twifuza gufata gusa tubikoze kubera amakosa agaragara mu ishyaka rya RPM muri iyi minsi

Bakomeje bagira bati: “ Twinjiye mu ishyaka rya RPM dufite icyizere ko rizahindura ubuzima bw’abaturage bacu , dukora imishinga igamije iterambere rirambye mu bukungu mu gihugu cya Mali.Muri twe harimo abashinze iri shyaka, kenshi twarashoye kugira ngo dukomeze kwita ku mishinga ya RPM mu byo dukora buri munsi ariko amakosa akomeje kwiyongera.”

Aba badepite kandi batanga indi mpamvu bavuga ko ibiganiro mpaka bitakibaho ndetse amakimbirane no kutumvikana bikaba bikomeje kokama iri shyaka riri ku butegetsi.

Kwitandukanya n’iri shyaka bikaba ari uburyo bwo kwereka ubuyobozi ko batishimiye ibiri kuba.

Bagaragaje ko nyuma y’imyaka 3 Perezida Ibrahim Boubacar Keïta atowe, ibintu bitameze neza.

Aba badepite mu ibaruwa yabo banditse bagaragaje ibitagenda neza mu gihugu bavuga ko mu majyaruguru hari amakimbirane ndetse bakaba batizeye ko hazaboneka igisubizo kirambye giturutse muri guverinoma kuko hakiri ikibazo cyo kubura ubutabera n’ ubuyobozi buhamye.

Ishyaka rya RPM ribuze aba badepite ryari risanzwe rifite abadepite 75 muri 147 bagize Intego Ishinga Amategeko umutwe w’abadepite gusa harakibazwa igihe bizabafata kugira ngo bazamurwe mu Ntera n’ishyaka bagiyemo rya ADP Mali, ishyaka ritaramara igihe kinini.

Yisangize Inshuti.

Ibitekerezo

Tanga Igitekerezo