IBUKA irasaba ko Padiri Nahimana Thomas nagera mu Rwanda ashyikirizwa ubutabera

10

Padiri Nahimana Thomas/Photo interineti

Umuryango urengera inyungu z’abacitse ku icumu rya Jenoside yakorewe Abatutsi (IBUKA) wasabye ko Padiri Nahimana Thomas nagera mu Rwanda akurikiranwa n’ubutabera.

Padiri Nahimana biteganyijwe ko azagera mu Rwanda ku gicamunsi cyo kuri uyu wa Gatatu aje kwitegura kwiyamamaza mu matora ya Perezida azaba umwaka utaha wa 2017.

Nahimana umaze imyaka 11 mu buhungiro mu Bufaransa yamenyekanye cyane kubw’urubuga rwe Leprophete.fr rwanyuzwagamo ibitekerezo binenga ubuyobozi buriho mu Rwanda.

Hari abavuga ko bimwe mu byacishwaga kuri urwo rubuga birimo amagambo apfobya akanahakana Jenoside yakorewe Abatutsi.

Prof Dusingizemungu Jean Pierre, Umuyobozi wa IBUKA yabwiye Makuruki ko bimwe mu byandikwaga ku kinyamakuru cya Nahimana bipfobya Jenoside yakorewe Abatutsi, agasaba ko yagezwa mu butabera naramuka ageze mu Rwanda.

Yagize ati “Ziriya nyandiko abantu bakwiriye kuzireba hanyuma inzego z’ubutabera zigakora. Ariko tukanavuga duti turanifuza yuko inzego zose zafatanya , na Kiliziya gatolika ubwayo ntihere gusa mu kuvuga ngo twamaganye, tugize dute.Kiliziya ubwayo ifite inzego zireba nuko ikora ubutabera bwayo yewe ifite n’inkiko burya.”

Kiliziya gatolika kuri iki cyumweru yasabiye imbabazi abana bayo bijanditse muri Jenoside yakorewe Abatutsi, ivuga ko ibabajwe n’ibyo bakoze.

Kuri uyu wa Mbere Musenyeri wa Diyosezi ya Butare akaba n’umuvugizi wa Kiliziya Gatolika mu Rwanda, Filipo Rukamba yatangarije KTPress ko Nahimana yirukanywe muri Diyosezi avukamo ya Cyangugu, kugeza ubu akaba abaho nk’uwigenga.Yavuze kandi ko bitandukanyije na we mu bikowe bya politiki yinjiyemo.

Pro Dusingizemungu avuga ko kuba yarirukanwe bitabavanaho ububasha bwo kumukurikirana.

Ati “Ariko kubivuga…twe twasabaga ko bica no muri urwo rwego bikagaragara neza kuko kiliziya gatolika ifite n’abacamanza, kuki bitanyura muri urwo rwego? Ajye imbere y’ubutabera aburane kuko icyo kirateganyijwe mu mategeko yabo.”

IBUKA kandi yasabye n’ubutabera mu Rwanda gukora akazi kabwo hirindwa uwashaka gukingira ikibaba Nahimana.

Dusingizemungu ati “Hari amategeko u Rwanda rugenderaho no kuri ibyo ngibyo avugwaho, ubutabera nibukoreshe ubushishozi bwabwo n’ubwigenge bwabwo. Twe icyo twifuza nuko bikorwa atavuga ngo akingiwe ikibaba n’urwego uru n’uru, hanyuma ubutabera niba hari icyo bumubaza bubimubaze kuko atari hejuru y’amategeko.Ntabwo yakwitwaza ko ari umupadiri cyangwa ikindi cyose

Ubutabera bukora iyo hari uwabushyikirije ikirego. Prof Dusingizemungu yavuze ko bakiri kwiga ku nyandiko zacishijwe mu kinyamakuru cya Nahimana, ngo “igihe tuzabona ko amakuru ahagije tuzakora ibyo tugomba gukora.”

Padiri Nahimana w’imyaka 45, aje mu Rwanda kwiyamamaza ku izina ry’ishyaka Ishema Party yashinze mu mwaka wa 2013. Mu bimuzanye ngo harimo no kuryandikisha kugira ngo ryemererwe gukorera mu Rwanda.

Yisangize Inshuti.

Ibitekerezo 10

  1. Prairie ni umuntu ukora politics gutubya episode ibyo ntacya mbibonamo uyemera utayemera ntibyagobye kuba umuzigo kubutegetsi kuko niho buy era bwica democracy twagejejweho na Republic. Ibuka ujye ushakira ahantu ntiwijandike kuko nabo witako uvugira bameze barinyuma ya NDAHIMANA

  2. Yemwe nuri abo gusengerwa uwo bazahangaba mwaretse bagasibanira imbere y abaturage .mudaciye izamaranga mutima.demukarasi uvuga ibyubaka bite? umuranduranzuzi com. muzarubanamo gute ? mutababariranye .mwese murakare maze mwongere mumarane nicyo mushaka bamwe . Ukuri kurabuze pe .nsabiye uzayobora urwo rwanda mu mahoro

  3. Ariko ubundi urwanda ruyoborwa na ibuka? ahubwo c ibukayo uwayijyana munkiko? kuko yumva ntamuntu
    warwanya leta?none abanyarwanda twese tuba muri ibuka? Kuki uwo present wa ibuka adakunze wese amuriga
    gupfobya? Jean pier ateye icyo Niki.ubukurikira niwe tuzajyana munkiko.

  4. Ubundi tuyoborwa na Ibuka,ubwo yabivuze tuzamufata,ikibazo nuko babivuze aruko aje kwiyamamaza.Kuki batamuregeye aho yari mbere nkuko barega abandi bose.Na ziriya mbabazi Gatorika yasabye ntizemewe kuko zitasabwe na Papa kuko ariwe uhagarariye gaturika kw,isi.Guverineri gitifu ntiyasabira igihugu imbabazi.Biriya nibyo gaturika yakoze.

  5. Ubundi tuyoborwa na Ibuka,ubwo yabivuze tuzamufata,ikibazo nuko babivuze aruko aje kwiyamamaza.Kuki batamuregeye aho yari mbere nkuko barega abandi bose.Na ziriya mbabazi Gatorika yasabye ntizemewe kuko zitasabwe na Papa kuko ariwe uhagarariye gaturika kw,isi.Guverineri gitifu ntiyasabira igihugu imbabazi.Biriya nibyo gaturika yakoze.

  6. hihihihiiiiii. padiri victoire Nahimana Ingabire. Ubanza misa yambere azayisomera muri kiliziya ya muhanga maze Mushayidi amubere umuhereza. uwapfuye yarihuse!!

Tanga Igitekerezo